Malukushi 10:14 - Ibibiliya mu Shimakonde Imbodi Yaambi na dimbande dya Imbodi Yakala

¹⁴ Yesu pagwene shitendo asho inínnyatila kutwala kushidoni, “Valeke vadyoko vaide kwangu, hamunavaleye mwaa utawala wa Nnungu wavanu vavéle mwavadyoko.

Malukushi 10:14 ပူးပေါင်းရင်းမြစ်များ

Mateu 18:10

“Lilaledye kwambangidya hamunamwiludyange ata ndyoko jumo pakati pavadyoko ava! Nangu ninkumwaulila doni, vanjelo vave kuwa ko, ngwengwe vankwonana namu Atata ávele kuwa.

Mateu 18:4

Napavedoni woewoe álota kulishapeya kutwala kuva mwandyoko ndikidiki, aju andava nang'olo muutawala wakuwa.

Mateu 19:14

Yesu kushidoni, “Valeke vadyoko vaide kwangu, hamunavaleye! Utawala wakuwa wavanu kenga ava.”

Mateu 5:10

Vandyalaligwa avalá vapapatígwa kwamwaa waishaliya, mwaa vanavo utawala wakuwa wàve.

Mateu 5:3

“Vandyalaligwa avalá vamashikini mwimumu, mwaa vanavo utawala wakuwa wàve.

Malukushi 3:5

Akavalole vanu uti vantang'anadídye avalá kwashitundi akuno àvenavo shipalodi shoe kwamwaa wakunanopa mitima vyave, nae kumwaulila munu jo doni, “Nyalodya nkono wako!” Nae kunyalodya kutwala nkono kuujila kuva ungumi.

Malukushi 8:33

Yesu pashiliwike kuvalola vakwoda vake, aníntangalela Patulu doni, “Tumuka mushu mwangu Shatwani! Wako haunakumbukila shinu mwakumbukilila Nnungu, ukumbukila mwavakumbukilila vanu.”

Nshuwau 3:3

Yesu akanjang'ula kushidoni, “Ninkukwaulila mwiu mwiu, munu akanavalekwa kwakuwa haulula shinu kwona utawala wa Nnungu.”

Nshuwau 3:5

Yesu kunjang'ula, “Ninkukwaulila mwiu mwiu, munu akanavalekwa kwamedi na Imumu haulula kwinjila muutawala wa Nnungu.

Vitendo 2:39

Mwaa kulivikila aku ni kwenu mwenu, kwaudukulu wenu na kwauti vavelé kushu; uti avalá vashamégwa namu Umu, jo Nnungu wetu.”

Vitendo 3:25

Mwenu munkupata vyalivikile Nnungu kwavakulava na munkupata avilá vyalivikile pavapangile imbodi vanakuluvenu pamwaulidile Abulaamu doni, ‘Kutunduvangila kuudukulu wako makola uti amushilambo shapai andaalaligwa.’

Valoma 11:16

Napane ikava kenga imbande itandi indiilimyanga bai namomo likamu uti lindiilimyanga na ikava kenga lushija lundiilimyanga bai dinavi momo.

Valoma 11:28

Kwaupande wantenga wambone, vanavo ni vamongo kwamwaa wenu mwenu kanji kwaupande wakutandalegwa, vanavo ni vakunagwaleka kwamwaa wavanyakalamunu.

I Vakolintu 14:20

Mmanung'unumunu, hamunave mmana mmadikidiki mumakumbukililo enu. Ava mmana mmadikidiki muvyakunyata kanji mumakumbukililo, ava mmanang'olo.

I Vakolintu 7:14

Mwaa nnume ntwagwe ákakulupila ankutandegwa kuva wakwilimyanga kwaindila yandyagwe na nkongwe ndyagwe ákakulupila ankutandegwa kuva wakwilimyanga kwaindila yannume ntwagwe. Leka ikave davo, vanavenu vakandiva vaushapu kanji napane vankuva vakwilimyanga.

Vaepeshu 4:26

Shimwa na hamunatege. Hamunaleke liduva lidimba mushimwidye

II Timoti 1:5

Ninkukumbukila likulupililo lyako liu lyo lye lipagwíte shitandi kwanakuluvo Loide na kwanyoko Eunike na ambi apa ninkuvanavo wakika kenga linkupagwa nkati mwako.

II Timoti 3:15

na kumanya kenga tangu shidyoko shako undimanya Maandiko akwilimyanga aululíka kukutadya kuva walimanyilo kwakwambolegwa kwaindila yalikulupililo nkati mumwe Klistu Yesu.

I Patulu 2:2

Kenga mmanunu, avanavo mweshe wamavele aimumu akaanganikéne na shinu shoeshoe pakulota kwaindila yaanavo, mwenu mukulumuke kwakwambolegwa

Maono 14:5

Nkanywa mwave, hamushuma kushang'apa; vavele vanu vákave makosha.