Lukashi 9:60 - Ibibiliya mu Shimakonde Imbodi Yaambi na dimbande dya Imbodi Yakala

⁶⁰ Yesu, “Valeke vakupela vashikane shivenevene kanji wako apa, wena uvalanganga utawala wa Nnungu.”

Lukashi 9:60 ပူးပေါင်းရင်းမြစ်များ

Mateu 4:23

Napanelo Yesu ashindatanela makaja a ku Galileya apita apundisha muvitala vyave vyakulipudidya avalanganga ntenga wambone wautawala, aponia vilwele na mauvilo uti kwavenentete.

Mateu 8:22

Yesu kushido, “Ngwoda! Valeke vakupela vavashike vakupelamwave.”

Lukashi 15:24

jo mwanangu aju, andípela kanji andídyuka, andíjaika kanji andyaneka.’ Bai vanavo vandítunduvanga kupuwanga.

Lukashi 15:32

Apa, hampagwite munji! Indívaikila wetu tupuwange; nung'uno aju, andípela kanji mumi, andíjaika kanji andyaneka.’ ”

I Vakolintu 9:16

Doni, ikava kenga ninkuvalanganga ntenga wambone hainava shinu yakulota kulyona mwaa ni shitakígwa pamuti pangu. Ngupambale nangu nikanavalanganga ntenga wambone!

Vaepeshu 2:1

Mwenu po muvele mukupela nkati mukupujungula na mumadambi.

Vaepeshu 2:5

ata ikava kenga wetu tuvele mukupela nkati mukupujungula, nae anditupa shingumi pamo namu Klistu; doni, mundyambwalegwa kwaumonyo.

I Timoti 5:6

Kanji namwili áliinjidyenge mushinamidyo shamalotelo ake, ata ikava kenga nae po ankunama, andipela.

II Timoti 4:2

valanganga lilove lyake Nnungu, ava tayali wakati uvaikidíle na úkavaikidile, shashulanga, shulanga, laililila kwaupole uti na kwakupundisha.

II Timoti 4:5

Kanji napane wako ava umunu wakulilaledya muvinu uti, lipililile mauvilo, kola shimadengo shankúvalanganga ntenga wambone, tandedya utumika wako ukawikile popo.

Maono 3:1

“Njelo waliganisha lya ku Shalideshi mwandikile, ‘Ala ni malove amwe aijá ávenavo dimumu saba dya Nnungu na dinondo saba: “ ‘Ndimanya vitendo vyako, wako unkuvanavo shimbili shakuva umumi, kumbe undipela.