Lukashi 9:31 - Ibibiliya mu Shimakonde Imbodi Yaambi na dimbande dya Imbodi Yakala

³¹ Vanavo vandyámbangila mwaa ing'ano yakupela kwake Yesu ku Yelusalemu atandedya malotelo ake Nnungu.

Lukashi 9:31 ပူးပေါင်းရင်းမြစ်များ

Lukashi 9:22

na kutangola kavili doni, “Mwana Wamunu inimmaikila auvauvange namene; vanang'olo, vakulangalalela-shadaka vanang'olo pamo na vamwalimu vadishaliya, vanavo vandamwita. Indimmaikila vamyae kanji muliduva lyantatu andadyuka.”

Lukashi 9:30

Mwe! Kwaneka apalá na lishangelo vanu vavili, Musha namu Liyashi vatangonavo.

Nshuwau 1:29

Palyamba lyake Nshuwau andímwona Yesu amwidila kutwala kushidoni, “Mwenu! Ngandolo wa Nnungu aijá áusha lidambi lyashilambo.

II Vakolintu 3:18

Nadoni wetu uti kwading'ope dyavakatwinikididye twaneka lishangelo lyake Umu, tunkujaluwangigwa kwaing'ope yoyo kwalishangelo kuka kulishangelo, kujaluwangigwa kwalakéla kumwe Umu àvele Imumu.

Vapilipo 3:21

Nae andabadilisha mili vyetu vyakudabadabanga kutadya vilinganane na mili wake walishangelo kwaindila yadimongo dintádya aulule kuvika vinu uti mwina mwake.

Vakoloshu 3:4

Napane palota kwaneka Klistu ávele shingumi shenu, namwenu momo mundaaneka namu nae mulishangelo.

Vabalaniya 11:22

Kwalikulupililo Yoshe kumwisho shingumi shake, andívakumbuwanga kuma kwavanaishilaeli mushilambo sha Mishili na kuvalakela malailililo kwamwaa wamagwangwa ake.

I Patulu 5:10

Nnungu waumonyo uti ánshamile mwenu kwalishangelo lyake líkamalilika nkati mumwe Klistu Yesu, jojo jo ling'oto lyakuvauvanga mwenu padyoko, anandyuwangidya, andamwakikisha, andamupa dimongo na anammika pashanya shitunduvangilo.

II Patulu 1:15

Nadoni ninkulikanyalidya na dimongo kwambangidya ling'oto lyakunyema kwangu mushilambo amu, mwenu mukumbukile vinu avi kula wakati.

Maono 7:14

Nangu kushidoni, “Nang'olo, wako ni úmanyite.” Nae doni, “Ava ni avalá vaalakadíle mmauvilo akujowa, vashapénge dikanju dyave mumyadi vya Ngandolo kutwala kuva dyanashwe.