Lukashi 9:26 - Ibibiliya mu Shimakonde Imbodi Yaambi na dimbande dya Imbodi Yakala

²⁶ Munu woewoe akangwanangila nangu dyoni na kwanangila dyoni malove angu, muliduva lyakwida Mwana Wamunu na lishangelo lyake, mulishangelo lyolyo lyatatake na lyavanjelo vakwilimyanga, nanae munu ajo andamwanangila dyoni.

Lukashi 9:26 ပူးပေါင်းရင်းမြစ်များ

Mateu 16:27

Nadoni Mwana Wamunu andaida mulishangelo lyatatake pamo na vanjelo vake, napane apo anannipa kula munu kwodana na matendo ake.

Mateu 25:31

“Mwana Wamunu palota kwida mulishangelo lyake pamo na vanjelo vake andaikala pashiteng'u shake shalishangelo.

Mateu 26:64

Yesu kushidoni, “Wako ni útangola. Leka apo kutunduvangila ambi apa mundamwona Mwana Wamunu àikele kunkanakono kwake Wadimongo-uti na aida mumaundi kuwa.”

Malukushi 8:38

Munu woewoe waimbula ai yakulavalava na yakutega akangwanangila nangu dyoni na kwanangila malove angu, Mwana Wamunu momo andamwanangila dyoni paida mulishangelo lyatatake àvele pamo na vanjelo vakwilimyanga.”

Nshuwau 12:43

Vovo vo, lishindavanagwela lishangelo lyakwalakela kwavanu kuliko lishangelo lyakwalakela kwa Nnungu.

Nshuwau 5:44

Mwenu mulota kukulupila dashi ikava kenga munkuupana lishangelo shivenevene na lishangelo lyalakéla kwa Nnungu ávele jumo jojo, hamunalambela shinu?

Vitendo 10:22

Vanavo kushidoni, “Wetu twalakela kwanang'olo wavaing'ondo walina Koluneli; nae ni munu waishaliya na wakunjopa Nnungu na ni munu waushuda wambone kwavenentete uti vayuda. Jojo jo, njelo wakwilimyanga andimwaulila akusheme uke kwing'ande yake ukamwaulile shauvenavo.”

Valoma 1:16

Mwaa hangunona dyoni kwantenga wambone pakuva ni dimongo dyake Nnungu dyakwambola kwaupande wavanu uti vakulupíla; shitandi kwamuyuda ling'oto kwangalegu.

II Vakolintu 12:10

Nadoni kwamwaa umwe Klistu, ninkupuwanga nkati mukudabadabanga, mukutukanigwa, mukuvauvanga, mukupapatigwa na mumatatisho. Mwaa panguva wakudabadabanga ni panguva wadimongo.

Vagalata 6:14

Nangu mwiko hangunalishibangile paikava kwanshalaba umwe Umu wetu Yesu Klistu mwaa kwaindila yanshalaba wo, shilambo shindikamalalegwa kwangu nangu na nangu ndikamalalegwa kwaupande washilambo.

I Timoti 5:21

Ninkumya ushuda pamevo pamwe Nnungu, pamwe Klistu Yesu na pavanjelo vakutandalegwa doni, vinu avi vikila kuntima bila kupambula paukatandedya shoeshoe kwashitete.

II Timoti 1:12

Kwamwaa wavinu avi namomo ninkuvauvanga kanji hangunona dyoni mwaa nimmanya aijá waninkulupidile na ninkuvanavo wakika kenga nae ankuulula kushunga ashilá shangukulupidile mpaka muliduva alyo.

II Timoti 2:12

ikava kenga tunkulipililila, namu nae namomo tundatawala, ikava kenga tundamwita, nanae momo andatwita,

Vabalaniya 11:26

Andívalangilila kutukanigwa kwamwaa umwe Klistu kuva utajili ukumene kuliko vidimbi vya ku Mishili mwaa ashindona inudyo yalota kupata ling'oto.

Vabalaniya 13:13

Napavedoni, leka tumuukile po panda likambi po, tulipililila dyoni dyake dyalipililidile nae.

Yudashi 1:14

Kwamwaa wavanu vovo ava, Enoki munu wasaba kutunduvangila Adamu nanae momo andívalanganga kaladavo, “Mwenu! Umu ankwida pamo na makumi manga avanjelo vake vakwilimyanga

Maono 1:7

Mwe! Nae ankwida mumaundi na kula munu andamwona ata mpaka avalá vantalwéle nkushi; makola uti amushilambo andatangadikanga kwamwaa wake nae. Nadoni amu mundatandeka! Ame.

Maono 20:11

Napanelo níndyona shiteng'u shikumene shanashwe mwene shiteng'u jo àikalidile; pai na kuwa vínditila pamevo pake na halipagwíte lyutu lyavinu avyo.

Maono 21:8

Kanji vakujopa, vákakulupila, vakalau, vakubyaa, vakulavalava, vavi, valipúdya kwavannungu na vakushang'apa uti, vanavo maleko ave, lilota kuva alilá litanda lyamoto likaléla na ipataki; aku ni kupela kwambili.”

Maono 3:5

“ ‘Mumo momo nkútema vanangwadya inguvo yanashwe. Mwiko hanimputa lina lyake mulibuku lyashingumi ila nammalanganga pamevo pamwe Atata na pavanjelo vake.