Lukashi 8:47 - Ibibiliya mu Shimakonde Imbodi Yaambi na dimbande dya Imbodi Yakala

⁴⁷ Napanelo nkongwe aijá akone doni hayululika kuligwadyagwadyanga, anímmandika Yesu atatamela kutwala kushidika; akashidike, andílivalanganga pamevo avanu uti shintadídye ankwae na kulivalanganga mwaponedinneu.

Lukashi 8:47 ပူးပေါင်းရင်းမြစ်များ

Mateu 28:8

Vakongwe avalá vakaumananga shipajelo shosho vatukuta akuno vàvenavo kujopa na lipuwilo likumene, vandyúka ndavamanyiya vakwoda vake.

Malukushi 5:33

Nkongwe jo àmanyite ashilá shintandéke akuno ajopa na atatamela, anímmandika Yesu kuguguvala mushu mwake kutwala kummalangangila umwiu uti.

Lukashi 8:46

Yesu, “Mene, apali ángukwaidye mwaa nimwene ndimanya shana, mumili mwangu amu dimongo dindikola madengo.”

Lukashi 8:48

Kanji Yesu kushidoni, “Namwana, likulupililo lyako lindikuponia; wena kwaamani.”

Vitendo 16:29

Bai nanangalaledi waikalaboshi andíshamela shenje kutwala kwinjila shipajelo nkalaboshi akuno atatamela kuka ndaunama mushu mwake Paulu namu Shilashi.

I Vakolintu 2:3

Doni, nangu panguvéle namu mwenu nguvele mukudabadabanga, mukujopa na mukutatamela kukumene.

II Vakolintu 7:15

Nadoni lilotelo lyake kwenu mwenu linkwanjadyeka namene akumbukila kwigwilila kwenu, mwamumpwashaladile mujopa na kutatamela.

Vapilipo 2:12

Nadoni mmakunagwaleka, kenga mo mwamungwigwilidile ngwengwe, ambi apa i do ngupagwité ako kanji kupunda namene pandikapagwite, tandedya kwambwalegwa kwenu mujopa na mutatamela

Vabalaniya 12:28

Napavedoni pakuva tunkupata utawala úkaululika kundangandegwa, indituvaikila tulambwalele na tulipudye kwake Nnungu kwainamuna innagwéla, kwaishima na kwakunjopa