Lukashi 8:44 - Ibibiliya mu Shimakonde Imbodi Yaambi na dimbande dya Imbodi Yakala

⁴⁴ Nkongwe ajo andívandika kunyuma kwake Yesu kunkwaa munkumbu waikanju; akankwae, myadi vyo kumalalinneu.

Lukashi 8:44 ပူးပေါင်းရင်းမြစ်များ

Mateu 20:34

Yesu kuvaanangila shididi, kuvakwaa mevo ave, muwakati wowo vanavo kulalenneu kutwala kumwoda.

Mateu 8:3

Yesu kunyalodya nkono wake kunkwaa kushidoni, “Elo ndilota, takata!” Malemba lo kulambalakenneu, mili wo kutakata.

Mateu 9:20

Mwe! Nkongwe jumo e auwíle vyaka kumi na mbili ulwele úkavele wakumalala kutumila kummandika Yesu, kukwaa nkumbu waikanju yake.

Malukushi 6:56

Kulyutu lyoelyoe kwashuka nae, mminjini mmakaja madikidiki kwali mmagwelu, vanu vashindavatwala valwele kuvaladya mumautu aumbala kutwala kunjugwangila avaleke valwele vankwae padyoko vela munkumbu waikanju yake. Uti avalá váshinkwaa, vashindapona.

Lukashi 13:13

Anímmikila makono, nkongwe jo kuudukinneu kutwala kumupa lishangelo Nnungu.

Lukashi 7:38

kuka ndamwimila Yesu pamadodo pake, kulila, myodi kugwilila mmadodo mwake Yesu kutwala ugwimbu wake kupukutanga myodi mmadodo mo, kupalapata na kupakanga mauta.

Lukashi 8:43

Napanelo andípagwa nkongwe jumo ávenavo shilwele shampapa shauwile vyaka kumi na mbili; nkongwe aju andímalila vyake uti avapa vakulaula kanji hapali nkúlaula áulwile kumponia.

Lukashi 8:45

Yesu kudya, “Nyani ángukwaidye?” Vanu uti kukana. Vakakane, Patulu kushidoni, “Mwalimu! Vanu vandikutang'anedya na vandikushinya namene!”

Nshuwau 5:13

Munu wakupona aijá kanji nae hashimmanya nyani ámponidye mwaa Yesu andítivaniva mulyutu alyo kutwala kuma kwamwaa wakupagwa imbumba yoe yavanu.

Vitendo 19:12

mpaka vanu kutwala malesho pamo na dinguvo dye dikumbíle likalogwe limwe Paulu kuka ndavakwaa valwele kutwala vanavo vilwele vyo kupona na majini aukalau momo kuumananga mumili.

Vitendo 5:15

Kwodana na vitendo avyo, venentete vashindavaumya valwele muding'ande kuka ndavaladya mudigoli na mmakande kulangele pakulota Patulu papita kananga shimbedi vela ashi shiviinikidye.