Lukashi 7:47 - Ibibiliya mu Shimakonde Imbodi Yaambi na dimbande dya Imbodi Yakala

⁴⁷ Nadoni ninkukwaulila ngala doni, madambi ake avéle oe, andilivalivika; ni ashi shalodya linagwaledyo likumene. Kanji kwaupande wako wako, nangu nikwaulila doni, munu ánalodya linagwaledyo lidikidiki, Nnungu annivaliva padyoko madambi ake.”

Lukashi 7:47 ပူးပေါင်းရင်းမြစ်များ

Mateu 10:37

“Aijá ánnagwaledya namene tatake kwali anyoke kuliko mwangunagwaladyedya nangu, ajo kwangu nangu havaikidile. Namomo aijá ánnagwaledya namene mwanagwe nnume kwali nkongwe kuliko mwangunagwaladyedya nangu, ajo momo kwangu nangu, havaikidile.

Lukashi 7:39

Napanelo mpalishayo aijá annalike Yesu akone davo, andítangola shintimatima aashidoni, “She! Aju leka àvele nkúlava mwiu, shi akanimmanya nkongwe ánkamulanga aju; nkongwe aju, nkùtega!”

Lukashi 7:46

Haungupakile mauta mmuti kanji nkongwe aju, aningupaka mauta akunung'ila mmadodo.

Lukashi 7:48

Kutwala apo andímwaulila nkongwe aijá kushidoni, “Madambi ako mwiu andilivalivika.”

Vitendo 5:31

Jojo jo, Nnungu animmika palyutu lyashimbili kunkanakono kwake antenda kuva Nang'olo na Mwamboli kwambangidya avape vanaishilaeli kulijugulanga na kulivalivigwa kwamadambi.

Valoma 5:20

Mwenu, lilamulo lindida pakulota dashi, kupujungula kwanjadyeke. Napane po palyanjadyeke lidambi, umonyo undipakatika

II Vakolintu 5:14

Mwaa linagwaledyo limwe Klistu linkututawala mwaa tundiwikila pamwisho kenga jumo andipela kwamwaa wavanu uti, nadoni uti vandipela.

Vagalata 5:6

Mwaa nkati mumwe Klistu Yesu, kukumuligwa likumbi kwali mene, hakuve mana ila livé na mana ni likulupililo lililódya mulinagwaledyo.

Vaepeshu 6:24

Umonyo upagwe na avalá uti vannagwalédya Umu wetu Yesu Klistu kwalinagwaledyo líkave mwisho.

Vapilipo 1:9

Aku ni kushwali kwangu, linagwaledyo lyenu mwenu lyanjadyeke kupunda apo nkati mulimanyilo na mukujavanianga

I Timoti 1:14

Napane umonyo umwe Umu undipakatika namene kwangu nangu kwalikulupililo na linagwaledyo lipagwíte nkati mumwe Klistu Yesu.

I Nshuwau 1:7

Kanji tukawena mulilangadyo kenga mwapagwididye nae mulilangadyo, tunkuvanavo upamo kula munu kwamuje na myadi vimwe Yesu, jo Mwanamunu vinkutuushanianga ushapu wamadambi uti.

I Nshuwau 3:18

Mmanavangu, hatunanagwaledye kwalilove na kwapakanywa kanji muvitendo na muumwiu.

I Nshuwau 4:19

Wetu tunkuvanavo linagwaledyo mwaa nae ni ntandi kutunagwaledya.

I Nshuwau 5:3

Amu ni mwatunnagwaladyedya Nnungu kwaupande wetu: patwigwilila malamulo ake na malamulo ake lo, hanaidopa shinu.