Lukashi 7:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Vanu uti kuvainjila kujopa kutwala kumupa lishangelo Nnungu vaashidoni, “Pakati petu andyumilila nkúlava nkumene namene!” Vanavo kavili kushidoni, “Nnungu andida ndavaangangola venentete vake!”

Lukashi 7:16 ပူးပေါင်းရင်းမြစ်များ

Mateu 15:31

Dimbumba dyavanu dikavone vabubu vatangola vakulamala vapona vakukwava vawena na vakuputala mevo valola, dyanavo dindímupa lishangelo Nnungu umwe Ishilaeli.

Mateu 21:11

Imbumba yavanu kutwala kushidoni, “Aju ni aijá nkúlava, Yesu wa ku Nashaleti ya ku Galileya.”

Mateu 28:8

Vakongwe avalá vakaumananga shipajelo shosho vatukuta akuno vàvenavo kujopa na lipuwilo likumene, vandyúka ndavamanyiya vakwoda vake.

Mateu 9:8

Bai imbumba yavanu paigwene shitendo asho vandíjopa namene kutwala kumupa lishangelo Nnungu ávapele vanu madalaka ainamuna ai.

Lukashi 1:65

Kutwala vashitanonomwagwe uti kujopa. Dyabali adi, dindíigwinika mushilambo uti shamashinga sha ku Yudeya.

Lukashi 1:68

Atumbyangilike Umu Nnungu wa ku Ishilaeli mwaa andida na andivaambola venentete vake.

Lukashi 19:44

Vanavo vandakubamola pamo na vanavako vauvénavo nkaja mwako; havakulakela lijanga lìikele pashanya lijangamwagwe mwaa wako haumanyite wakati wakwidilile Nnungu.”

Lukashi 2:20

Bai avalá vakushunga-dinyama vandyúja vamupa lishangelo na vanshiba Nnungu mwaa wavinu uti vyavaigwite na vyavagwene kwodana na mo mwavaigwididye.

Lukashi 24:19

Nae kushidoni, “Vyakwashi?” Vanavo kushidoni, “Vintandéke Yesu wa ku Nashaleti munu avéle nkúlava, avénavo vitendo na malove adimongo pamevo pa Nnungu na pamevo pavanu uti.

Lukashi 5:26

Bai vanu ni kushanga doni, vandímupa lishangelo Nnungu na kundívaida kujopa kutwala kushidoni, “Nelo tundyona vyamakango.”

Lukashi 5:8

Simoni Patulu akone davo andyúka ndakola maulu kumwe Yesu aashidoni, “Nang'olo wangu, ngunyema; nangu ni nimunu wakutega.”

Lukashi 7:15

Maiti apalá takatuku, ngoo, kutunduvanginneu kutangola nae kuntwala kumwing'a mwene anyoke.

Lukashi 7:39

Napanelo mpalishayo aijá annalike Yesu akone davo, andítangola shintimatima aashidoni, “She! Aju leka àvele nkúlava mwiu, shi akanimmanya nkongwe ánkamulanga aju; nkongwe aju, nkùtega!”

Lukashi 8:37

Kutwala vanu uti vashilambo sha ku Gelasha sho kunjugwa Yesu avanyeme mwaa vashindajopa namene. Bai Yesu kwinjila mwingalava pakulota auje.

Lukashi 9:19

Vanavo kushidoni, “Vakwona kuva Nshuwau Wakubatisha, vanji Liyashi, vanji nkúlava jumo wakala andidyuka.”

Nshuwau 1:21

Vanavo kumudya, “Pane, wako po unyani? Wako po, Liyashi?” Nae do, “Mene, nangu hangunava shinu nae.” Vanavo, “Da wako po, unkúlava watushikulindila wide mushilambo?” Nae kushidoni, “Mene.”

Nshuwau 1:25

Vanavo vakaudya kushidoni, “Ikava kenga wako haunava shinu Klistu, haunava Liyashi na ata haunava shinu aijá nkúlava, mwaa shani vanu unkuvapa ubatisho?”

Nshuwau 4:19

Nkongwe kutwala kushidoni, “Nang'olo ninkukwona wako kuva unkúlava.

Nshuwau 6:14

Napanelo vanu pavagwene shimanyikilo shatandile Yesu vandítangola kushidoni, “Aju mwiu ni jo nkúlava watushinnindila aide mushilambo.”

Nshuwau 9:17

Vanavo vandímudya kavili aijá e aputéle kushidoni, “Pakuva munu ajo andikuponia, napanelo wako umwona kuva kenga nyani?” Nae kushidoni, “Nkúlava.”

Vitendo 5:5

Ananiya po paigwite malove ala, andíjanguka àpadile. Vanu uti vaigwíte shitendo asho vandíjopa namene.

Vitendo 7:37

Jo Musha aju e avaulidíle vanaishilaeli, ‘Nnungu anantakatuwa pakati pavanung'unumunu venu nkúlava jumo kenga nangu.’

Vagalata 1:24

Nadoni vashindamupa lishangelo Nnungu kwamwaa wangu nangu.