Lukashi 6:27 - Ibibiliya mu Shimakonde Imbodi Yaambi na dimbande dya Imbodi Yakala

²⁷ “Kanji nangu ninkumwaulila mwenu múngwigwilila ambi apa doni, vanagwaledye vamongo venu, vatanane vannyatíla,

Lukashi 6:27 ပူးပေါင်းရင်းမြစ်များ

Malukushi 4:24

Kutwala kuvaulila doni, “Vikila kuntima vinu vyamwigwa avi! Shipimo shosho shamulalyangidya mwenu vinu vyamwigwa, namwenu shipimo shosho vanannalyangidya na yadavo vanamwanjadyedya

Lukashi 23:34

Kanji Yesu kushidoni, “Atata, valivalive mwaa havanamanya shinu shavatenda.” Bai vanavo vandíjalanga gudugudu kwambangidya vajavanange dinguvo dyake.

Lukashi 6:22

“Mundyalaligwa mwenu pavannyatila vanu, kumwambukanga, kuntukana na kumumya shimbili shakunyata mwaa wa Mwana Wamunu.

Lukashi 6:35

Bai vanagwaledye vamongo venu, tandedya wambone, kapesha pamukalindila kupata shinu shoeshoe. Mukatenda doni, inudyo yenu indava ikumene na mwiu mundava mmanavake Wapashanya-uti. Mwaa nae andávatanana vakanalambwalela na vakalau.

Lukashi 8:15

Kanji imbeju igwilidíle paulongo wambone inkwitika kuva vanu vánatenda vakaigwa lilove lya Nnungu kuvikila kuntima wiu na kupa vyepo kwaindila yakulipililila.

Lukashi 8:18

Igwilila shana vyanimwaulila mwaa munu ávenavo, Nnungu andamwanjadyedya na aijá ákavenavo, sho padyoko shalyona kuvanavo sho, Nnungu anampoka.”

Lukashi 8:8

Kanji inji kugwilila paulongo wambone, kumela, kupa vyepo vyoe namene vyakuwikila imiya kula lutavi.” Akamalile kutangola nkong'o au andílailila aashidoni, “Avé na matu, aigwe.”

Vitendo 10:38

mwashi mwampakidile mauta Yesu wa ku Nashaleti kwa Imumu Wanashwe na dimongo kutwala nae kuwena atandedya wambone apita avaponia vanu váshitawaligwa na Ndamoni mwaa Nnungu andípagwa namu nae.

Vitendo 16:28

Kanji Paulu andíkugwa namene aashidoni, “Haunalitende shakunyata! Wetu uti tupali.”

Vitendo 7:60

Bai andíguguvala kutwala kukuta pashanya po, aashidoni, “Umu haunavaukumu mwaa walidambi ali.” Patangwele malove ala, nae kujaa shingumi.

Vagalata 6:10

Napanelo po patuvenavo litala lyakutandela wambone, tutandedye kwavanu uti kanji kupunda namene avalá vamwing'ande yalikulupililo.

I Vateshalonika 5:15

Lilaledye shana kwenu mwenu hanapagwe woewoe wakunnipa muje wakunyata kanji ngwengwe vingilidya ashilá shambone kwaupande wenu mwemwe mmene kwali kwavanu uti.

III Nshuwau 1:11

Wakunagwaleka, haunajedye ashilá shakunyata kanji ashilá shambone. Aijá átenda wambone, ajo wake Nnungu; aijá átenda wakunyata, ajo hamwanite Nnungu.