Lukashi 6:23 - Ibibiliya mu Shimakonde Imbodi Yaambi na dimbande dya Imbodi Yakala

²³ Muliduva alyo, mwenu litamange na puwanga mwaa mwe! Kuwa ko, inudyo yenu ikumene. Ata vanyakala vave vashivatandela momo vakulava.

Lukashi 6:23 ပူးပေါင်းရင်းမြစ်များ

Mateu 5:12

Litamange na puwangila mwaa inudyo yenu kuwa ko ing'umene. Amo nimomo mwavavatandalele vakulava mwenu mukanava.

Lukashi 1:41

Lishabeti paigwite lidi lyake Maliya, mmunda mwake mwana kupikita namene, Lishabeti kunnangalalela Imumu Wanashwe

Lukashi 1:44

Undimanya? Nangu pangwigwite lidi lyako unguudyanga, mwana mmunda mwangu amu andipikitinneu mwaa wakupuwanga.

Lukashi 6:35

Bai vanagwaledye vamongo venu, tandedya wambone, kapesha pamukalindila kupata shinu shoeshoe. Mukatenda doni, inudyo yenu indava ikumene na mwiu mundava mmanavake Wapashanya-uti. Mwaa nae andávatanana vakanalambwalela na vakalau.

Vitendo 14:10

andítangola pashanya po, amwaulila doni, “Takatuka wimile!” Munu aijá kutakatukinneu na kutunduvanga kuwena.

Vitendo 3:8

Nae kudaloka kutunduvanga kuwena, kwinjila shalumo namu vanavo mwing'ande ya Nnungu awena, adalakanga na antumbyanga Nnungu.

Vitendo 5:41

Vamyombe vandyúma panguguvale awo vapuwanga pakuva vandivalangiligwa aki yakunyambikanga kwamwaa wa Lina ali.

Valoma 5:3

I gweka avyo kanji tunkulitamanga momo nkati mumauvilo tumanya kenga mauvilo ankwidanavo kulipililila,

II Vakolintu 12:10

Nadoni kwamwaa umwe Klistu, ninkupuwanga nkati mukudabadabanga, mukutukanigwa, mukuvauvanga, mukupapatigwa na mumatatisho. Mwaa panguva wakudabadabanga ni panguva wadimongo.

Vakoloshu 1:24

Napanelo ninkupuwangila mumauvilo angu kwamwaa wenu mwenu mwaa nkati mumili mwangu, ninkuumbadya mauvilo aovíte amwe Klistu kwamili wake lìvele lyo liganisha.

II Timoti 2:12

ikava kenga tunkulipililila, namu nae namomo tundatawala, ikava kenga tundamwita, nanae momo andatwita,

Vabalaniya 11:26

Andívalangilila kutukanigwa kwamwaa umwe Klistu kuva utajili ukumene kuliko vidimbi vya ku Mishili mwaa ashindona inudyo yalota kupata ling'oto.

Vabalaniya 11:6

Mwenu, kwabila likulupililo hayululika Nnungu kupuwanga mwaa aijá álota ammandike nae, inimmaikila akulupile kenga Nnungu jo apali na ankuvatudya avalá vannambéla.

Tiyagu 1:2

Mmanung'unumunu, muwakati wamupata malingo akula inamuna ona uti kuva uti lipuwilo

I Patulu 4:13

Kanji puwangila shipimo shamauvilo shamuliinjidyanga pamo namu Klistu kwambangidya palilota kuunukuligwa lishangelo lyake, namwenu momo mulitamange na mupuwange.

Maono 2:17

“ ‘Ávenavo matu, aigwe vyatangola Imumu na maganisha. Nkútema ndamupa alye manaa apiíke na ndamupa lijanga lyanashwe lyavandike lina lyaambi, lina alyo hapali ámanyite ila jo mwene ápwashalela.’ ”

Maono 2:26

“ ‘Nkútema na átandedya uti mwangulatela nangu mpaka kumwisho ndamupa madalaka akuvatawalila venentete:

Maono 2:7

“ ‘Ávenavo matu, aigwe vyatangola Imumu na maganisha. Nkútema, andapata aki yakulya shepo shannandi washingumi uvéle kwa Nnungu lyutu lyalipuwilo.’ ”

Maono 21:7

Nkútema andapata maleko avinu avi, nangu ndava Nnungu wake na nae kuva mwanangu.

Maono 3:12

“ ‘Nkútema nantenda kuva libodo lyaing'ande ya Nnungu wangu na mwiko hauma kavili. Ndamwandika lina lya Nnungu wangu na lina lyanjini wa Nnungu wangu yani Yelusalemu yaambi yalakéla kuwa kwa Nnungu wangu; namomo ndamwandika lina lyangu lyaambi.

Maono 3:5

“ ‘Mumo momo nkútema vanangwadya inguvo yanashwe. Mwiko hanimputa lina lyake mulibuku lyashingumi ila nammalanganga pamevo pamwe Atata na pavanjelo vake.