Lukashi 5:24 - Ibibiliya mu Shimakonde Imbodi Yaambi na dimbande dya Imbodi Yakala

²⁴ Bai pakulota mumanye doni, Mwana Wamunu mushilambo amu andivanavo madalaka akulivaliva madambi…” Nae andímwaulila munu wakudidimanga madodo, “Ninkukwaulila takatuka utwale igoli yako uke kwenu.”

Lukashi 5:24 ပူးပေါင်းရင်းမြစ်များ

Mateu 16:13

Napanelo Yesu akawika isemu ya ku Shashaleya imwe Pilipo, akavaudya vakwoda vake kushidoni, “Da vanu vamwona Mwana Wamunu kuva nyani?”

Mateu 25:31

“Mwana Wamunu palota kwida mulishangelo lyake pamo na vanjelo vake andaikala pashiteng'u shake shalishangelo.

Mateu 26:64

Yesu kushidoni, “Wako ni útangola. Leka apo kutunduvangila ambi apa mundamwona Mwana Wamunu àikele kunkanakono kwake Wadimongo-uti na aida mumaundi kuwa.”

Mateu 28:18

Yesu kutwala kuvavandika kuvaulila kushidoni, “Vaningukamudya madalaka uti kuwa na pai.

Mateu 4:24

Nadoni shimbili shake shindyúmanikanga mushilambo uti sha Shiliya, venentete vashindavaidanavo kwake nae vanu vavénavo mauvilo akuvilingananga na malwele, vamajini, vashalala na vakulamala kutwala nae kuvaponia.

Mateu 9:6

Napane pakulota mumanye doni, Mwana Wamunu ankuvanavo madalaka akulivalivila madambi mushilambo amu…” andímwaulila wakudidimanga jo kushidoni, “Takatuka! Twala igoli yako uke kwing'ande kwako.”

Lukashi 5:13

Yesu kunyalodya nkono kunkamula kushidoni, “Ndilota, takata!” Munu aijá muwakati wowo malemba kumuuminneu.

Lukashi 5:18

Mwenu, muwakati wowo vanu vannyukéte munu wakudidimanga madodo apalá kuumilila. Vanavo kulambela litala lyakumwishidya pavele Yesu

Lukashi 5:23

Popo apa shikamadyénge namene ni nyamani? Kushidoni ‘Madambi ako andilivalivika,’ kwali kushidoni ‘Takatuka uwene’?

Lukashi 7:14

Nae kuvandika, kukamula igoli yavanyukatidíle maiti ailá, vanu vanyukéte igoli kwimila nae kushidoni, “Nnemba! Ninkukwaulila, takatuka!”

Lukashi 8:54

Kanji nae anínkamula; akankamule kushidoni, “Mwali, takatuka!”

Nshuwau 11:43

Akatangole malove ala andítangola pashanya po aashidoni, “Lashalu, umila panda apa!”

Nshuwau 17:2

kenga mo mwaumpalale wako madalaka pashanya pavanu uti pakulota avape shingumi shíkamalilika avalá vaunkamudidye.

Nshuwau 3:13

Hapali munu ákwadile kuwa ila ni aijá áalweke kuwa, Mwana Wamunu.

Nshuwau 5:27

na andimupa madalaka akuukumu mwaa nae ni Mwana Wamunu.

Vitendo 14:10

andítangola pashanya po, amwaulila doni, “Takatuka wimile!” Munu aijá kutakatukinneu na kutunduvanga kuwena.

Vitendo 5:31

Jojo jo, Nnungu animmika palyutu lyashimbili kunkanakono kwake antenda kuva Nang'olo na Mwamboli kwambangidya avape vanaishilaeli kulijugulanga na kulivalivigwa kwamadambi.

Vitendo 9:34

kutwala Patulu kumwaulila doni, “Eniyashi! Yesu Klistu ankukuponia. Takatuka upindange litandiko lyako!” Eniyashi kutakatukinneu.

Vitendo 9:40

Patulu napane akavaumadyanga vanu uti mushumba mo akaguguvala kushwali, akashiliuka kulola mili kutwala kushidoni, “Tabita, takatuka!” Bai Tabita andíng'amula mevo kunnola Patulu kutwala kutakatuka kwikala.

Maono 1:13

na pakati paditaa adyo, andípagwa munu ávele kenga Mwana Wamunu àgwete ikanju íshiwika mpaka mmadodo na àlyungile nkanda washaabu pashuva pake.