Lukashi 5:22 - Ibibiliya mu Shimakonde Imbodi Yaambi na dimbande dya Imbodi Yakala

²² Yesu nae akamanye makumbukililo ave, andívajang'ula kushidoni, “Mutangadikanga nyamani mmitima myenu mo?

Lukashi 5:22 ပူးပေါင်းရင်းမြစ်များ

Mateu 12:15

Yesu pamanyite nnugu wave, mulyutu alyo andílyumadyanga kutwala imbumba ing'umene yavanu kumwoda, nae valwele uti kuvaponia.

Mateu 12:25

Yesu amanya makumbukililo avo andívaulila kushidoni, “Kula utawala ukalijavanianga ubyaananga shivenevene, utawala awo undatimbikanga. Haupali njini kwali likola lilijavaniánga kutandana ing'ondo shivenevene lilóta kulikukumula.

Mateu 9:4

Yesu amanya makumbukililo ave andívaulila doni, “Mwaa shani munkukumbukila kunyata mmitima myenu?

Malukushi 8:17

Yesu amanya shivéle mmitima myave kushidoni, “Mwaa shani munkutaukananga ing'ano yakumwova magung'u? Da hamunava kwigwa na kwanalela? Mitima vyenu vindinanopa?

Lukashi 24:38

kutwala nae kushidoni, “Mwaa shani munkushanga namene na munkuvanavo makumbukililo alo mmitima vyenu?

Lukashi 5:21

Napanelo vamwalimu vadishaliya pamo na mapalishayo vandyánjanga kuudyania shivenevene vaashidoni, “Aju avelé kenga nyani, átangola malove akukupulu aju? Tukanneka Nnungu, nyani junji áulula kulivaliva madambi amunu?”

Lukashi 5:23

Popo apa shikamadyénge namene ni nyamani? Kushidoni ‘Madambi ako andilivalivika,’ kwali kushidoni ‘Takatuka uwene’?

Vitendo 5:3

Patulu kutwala kumudya, “Ananiya, mwaa shani uninneka Shatwani akuumbala muntima ata mpaka kunshang'apila Imumu Wanashwe na kutitikulila njuluku unji walishamba lyaushumididye?

Vabalaniya 4:12

Mwaa lilove lyake Nnungu lingumi na linkuvanavo dimongo, namomo lyakukola kupunda lyambila likóla kuvili, lyanavo linkupulunganianga pakati-pakati ungumi na imumu, mumagwangwa na muwoba, namomo linkujavanianga makumbukililo na milugu vyamuntima.

Maono 2:23

Ndavamalidya vana vankongwe aju. Nadoni maganisha uti andamanya do, nangu ni nalalyanga ntima pamo na makumbukililo, namomo nannipa mwenu kwodana na matendo enu.