Lukashi 5:21 - Ibibiliya mu Shimakonde Imbodi Yaambi na dimbande dya Imbodi Yakala

²¹ Napanelo vamwalimu vadishaliya pamo na mapalishayo vandyánjanga kuudyania shivenevene vaashidoni, “Aju avelé kenga nyani, átangola malove akukupulu aju? Tukanneka Nnungu, nyani junji áulula kulivaliva madambi amunu?”

Lukashi 5:21 ပူးပေါင်းရင်းမြစ်များ

Mateu 26:65

Bai nkúlangalalela-shadaka nkumene aijá andípapulanga dinguvo dyake aashidoni, “Andikupulu! Napane tulambela ushuda shani kavili? Mwenu mundigwa kukupulu aku.

Mateu 9:3

Mwe! Pakati pavamwalimu vadishaliya kutangadikanga shivenevene vaashidoni, “Aju ankukupulu.”

Lukashi 3:8

Lodya vyepo vilódya kulijugulanga. Hamunaashidoni, ‘Tatagwetu wetu Abulaamu.’ Mwaa nangu ninkummanyiya ngala doni, ata majanga lolo ala, Nnungu ankuulula kundyuwidya Abulaamu vana.

Lukashi 5:17

Muliduva limo lyapagwíte Yesu apundisha, popo po vandípagwa mapalishayo pamo na vamwalimu vadishaliya ve vaalakénge mumakaja uti a ku Galileya, ku Yudeya na ku Yelusalemu. Napanelo dimongo dyake Umu dyakuponedya dindípagwa namu Yesu.

Lukashi 5:22

Yesu nae akamanye makumbukililo ave, andívajang'ula kushidoni, “Mutangadikanga nyamani mmitima myenu mo?

Lukashi 7:49

Bai avalá vanu vapagwíte pavashilya apalá vandyúdyanianga vaashidoni, “Da aju avelé kenga nyani áulula kuvalivaliva vanu madambi?”

Nshuwau 10:33

Vayuda kushidoni, “Wetu hatunalota shinu kukwamanga majanga kwamwaa washinu shoeshoe shambone shautandile, ni kwamwaa wakukupulu. Wako umunu, napane unkulivika kuva Nnungu.”

Valoma 8:33

Da nyani álota kuvakashalya vakutandalegwa vake Nnungu? Ni jo mwene Nnungu ávavalangilila ishaliya.