Lukashi 5:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Muliduva limo lyapagwíte Yesu apundisha, popo po vandípagwa mapalishayo pamo na vamwalimu vadishaliya ve vaalakénge mumakaja uti a ku Galileya, ku Yudeya na ku Yelusalemu. Napanelo dimongo dyake Umu dyakuponedya dindípagwa namu Yesu.

Lukashi 5:17 ပူးပေါင်းရင်းမြစ်များ

Mateu 11:5

Vakuputala mevo vankupata kulola, vakudidimanga madodo vankuwena, vamalemba vankuvatadya kutakata, vákaigwa vankwigwa, vakupela vankuvadyuwa na vamashikini vankuvalangangiligwa ntenga wambone.

Mateu 15:1

Napanelo Yesu vandímwidila mapalishayo pamo na vamwalimu vadishaliya vakwalakela ku Yelusalemu ndamudya,

Malukushi 1:45

Munu aijá kanji paumile apalá ni kupita avalanganga na aandadya vinu uti vintandéke mpaka kuntadya Yesu mene kuulula kuka mushu ainjila ngala mumakaja; nae kuva munu wakwikala kushimbweshe na koko ko vanu vammakaja uti vashindamuukila nae.

Malukushi 16:18

vandakamula dinyoka kwali vakakumbila ishumu, hashipali shilota kuvatandeka, vandavavikila makono valwele kutwala vanavo kupona.”

Malukushi 3:22

Vamwalimu vadishaliya vaalakadíle ku Yelusalemu vashindatangola doni, “Munu aju anintawala Beelishebuli; jojo ankukumulanga majini kwalilamulo limwe jo nang'olo wave majini jo, Beelishebuli.”

Malukushi 5:30

Yesu kumanyinneu kenga mo mumili mwake dipali dimongo dyumíle kutwala kushiliuka kulola imbumba kudya doni, “Nyani ákwaidye ikanju yangu?”

Malukushi 7:1

Napanelo Yesu vandímwidila mapalishayo pamo na vamwalimu vanji pakati pavamwalimu vadishaliya vakwalakela ku Yelusalemu

Lukashi 15:2

Kanji mapalishayo pamo namu vamwalimu vadishaliya kuntangadikanga vaashidoni, “Kumanya dashi, munu aju kuvapwashalela vakutega na kulyanavo!”

Lukashi 2:46

Napanelo akapite maduva matatu, vanavo vanínkodya àikele mwing'ande ya Nnungu shing'ati vamwalimu avaigwilila vyavashitangola na avaudya vyakuvaudya.

Lukashi 5:21

Napanelo vamwalimu vadishaliya pamo na mapalishayo vandyánjanga kuudyania shivenevene vaashidoni, “Aju avelé kenga nyani, átangola malove akukupulu aju? Tukanneka Nnungu, nyani junji áulula kulivaliva madambi amunu?”

Lukashi 5:30

Napanelo mapalishayo pamo na vamwalimu vave vadishaliya vashindavatangadikanga vakwoda vake Yesu vaashidoni, “Mwaa shani munkulyanavo vakukatisha-ukodi na vakutega?”

Lukashi 6:19

Kula munu ashindalota ankwae Yesu mwaa mumili mwake mushindauma dimongo na nae vanu ava uti andívaponia.

Lukashi 7:30

kanji mapalishayo namu vamwalimu vadishaliya pakwita kuvapa ubatisho Nshuwau, vandiludyanga malotelo a Nnungu pamili pavo.

Lukashi 8:46

Yesu, “Mene, apali ángukwaidye mwaa nimwene ndimanya shana, mumili mwangu amu dimongo dindikola madengo.”

Nshuwau 3:10

Yesu akanjang'ula kushidoni, “Wako umwalimu wavanaishilaeli, napane haunamanya shinu vinu avi?

Nshuwau 3:21

Napane aijá ánatenda vyaumwiu aida kulilangadyo pakulota vitendo vyake vyaneke kuva vitendo vitandéke mu Nnungu.”

Vitendo 19:11

Nadoni Nnungu ashindatandedya vyamakango vyakutikinikanga kwaindila imwe Paulu

Vitendo 4:30

akuno unyalodya nkono wako kwakuponia, kwavimanyikilo na kwavyakutikinikanga palina lyantumika wako wakwilimyanga, Yesu.”

Vitendo 5:34

Kanji munu jumo mpalishayo wavashinshema Gamaliyele mwalimu wadishaliya na wavashimwishimu namene venentete, andíimila panguguvale kulamulila vavaumidye padyoko panda vamyombe