Lukashi 4:34 - Ibibiliya mu Shimakonde Imbodi Yaambi na dimbande dya Imbodi Yakala

³⁴ aashidoni, “Iya! Yesu wa ku Nashaleti, da wetu po tukukawadidyé nyamani? Widilé ndatubamola? Nangu ndikumanya shana wako jo. Wako ni Wakwilimyanga wake Nnungu.”

Lukashi 4:34 ပူးပေါင်းရင်းမြစ်များ

Mateu 8:29

Mwe! Vanavo kukugwanga pashanya po vaashidoni, “Yesu mwanagwe Nnungu! Da wako ulota nyamani kumili kwetu wetu? Da widilé ndatupa shaushanga wakati wake ukanava kuwika?”

Malukushi 1:24

“Wako Yesu wa ku Nashaleti, da wetu namu wako shako nyamani? Widilé ndatumalidya? Nangu ndikumanya, wako ni wakwilimyanga wake Nnungu.”

Malukushi 1:34

kutwala nae kuvaponia valwele voe vavilwele vyakuvilingananga na majini kukumulanga; majini lo kuleya hanatangole mwaa anavo ashinammanya shalowa.

Malukushi 5:7

kutwala kutangola pashanya po aashidoni, “Wako Yesu mwanagwe Nnungu Wapashanya-uti, da wako namu nangu shako nyamani? Ninkukujugwa pamevo a Nnungu, haunangupe shaushanga.”

Lukashi 1:35

Njelo do, “Andakushulukila Imumu Wanashwe na dimongo dyake Wapashanya-uti dindakwinikidya. Nadoni jo mwana waulota kummaleka jo, vananshema Wakwilimyanga, Mwana wa Nnungu.

Lukashi 4:33

Napanelo kupagwa munu jumo mushitala ávenavo imumu yalijini nshapu mumili mwake. Jo lijini jo, andíkuta namene

Lukashi 4:41

Namomo majini ashindaumananga mumili mwavanu voe akuta aashidoni, “Wako, umwana wa Nnungu!” Nae ashindavashulanga, hashivaleka vatangola mwaa vanavo vanímmanya doni, nae avele Klistu.

Lukashi 8:28

Nae akamwone Yesu andíkutakutanga kugwilangila mmadodo mwake kutwala kutangola pashanya po aashidoni, “Yesu mwanagwe Nnungu Wapashanya-uti, da wako shako nyamani kumili kwangu? Ninkukujugwangila haunanguvyauvyange!”

Lukashi 8:37

Kutwala vanu uti vashilambo sha ku Gelasha sho kunjugwa Yesu avanyeme mwaa vashindajopa namene. Bai Yesu kwinjila mwingalava pakulota auje.

Vitendo 16:39

Bai vanavo vandída ndavajugwa samaani vapaulu na ling'oto lyakuvaungula nkalaboshi, vandívajugwangila vaume nkaja.

Vitendo 2:27

Mwaa wako hawambukanga ungumi wangu kumoka na ata haunneka Nkwílimyanga wako alinge kunda.

Vitendo 3:14

Kanji mwenu mundimwita Wakwilimyanga na Waishaliya kutwala kujugwa vamuungulile nkúbyaa.

Vitendo 4:27

Namwiu, Elode, Ponji Pilatu, vamidi pamo na vanaishilaeli vandíkadyanianga nkaja amu pakulota vapange milugu vyakummyaa ntumika wakwilimyanga áalakadile kwako, Yesu waumpakile mauta.

Vabalaniya 2:14

Doni, pakuva vana ava vankuvanavo mavalelo ashimunu, nanae momo andíliinjidyanga mumavalelo ashimunu pakulota kwaindila yakupela, andime aijá ávenavo lyululilo lyakupedya yani Ndamoni;

Tiyagu 2:19

Wako unkukulupila kenga ankupagwa Nnungu jumo? Unkutenda shana! Ata vo vandamoni vo, vankukulupila shinu asho na vankutatamela.

I Nshuwau 3:8

Aijá ánatenda shimadambi umwe Ndamoni mwaa Ndamoni ni wakutega ngwengwe tangu kunantandi. Ni asho shaidilidile Mwanagwe Nnungu pakulota abamalangile-uti vitendo vimwe Ndamoni.

Maono 20:2

Nae anínkamula lijoka, aijá nyoka wakala àvele Ndamoni kwali Shatwani kutwala kumunga vyaka alupu imo;

Maono 3:7

“Njelo waliganisha lya ku Piladelipiya mwandikile, ‘Ala ni malove amwe aijá Wakwilimyanga na Waumwiu, ávenavo myungulilo vimwe Daudi. Shaungula nae, hapali wakunga na shaungile nae, hapali wakuungula: