Lukashi 4:25 - Ibibiliya mu Shimakonde Imbodi Yaambi na dimbande dya Imbodi Yakala

²⁵ Kwakutangola mwiu muwakati umwe Liyashi, ko ku Ishilaeli akuno vandípagwa vanamwili voe namene; muwakati wowo muvyaka vitatu na nusu, kuwa kundishimigwa kutwala mushilambo uti kwinjila mpwapwa.

Lukashi 4:25 ပူးပေါင်းရင်းမြစ်များ

Mateu 20:15

Da hanguvenavo shaliya yakutumila mali angu mwangulatela nimwene? Kwali uvénavo ing'ou mwaa nangu ni wambone?’

Lukashi 10:21

Muwakati wowo, Yesu andípuwanga namene kwaindila ya Imumu Wanashwe kutwala kushidoni, “Ninkukulambwalela Atata, Umu wakuwa na pai úpiidye vinu kwavanu vakumanya na vamang'amung'amu kutwala kuvalodya vanu vila. Ninkukulambwalela mwaa wako Atata utandalelé mwaulotalele.

Valoma 9:15

Mwaa nae animwaulila Musha doni, “Namwanangila shididi aijá waninnota nimwanangile shididi na nantanana aijá waninnota nintanane.”

Valoma 9:20

Leka apo, wako umunu unyani wakutaukananga namu Nnungu? Da inkuululika ashilá shavaumbile kutwala kumwaulila aijá áumbile doni, “Mwaa shani unguumbile doni?”

Vaepeshu 1:11

Nkati mwake momo wetu tunditandegwa kuva maleko, wewe tùpangiligwe kala kwodananavo ishabaa yake aijá átenda vinu uti kwauwamushi wamalotelo ake

Vaepeshu 1:9

atadya tumanye shipii shamalotelo ake kwodananavo mwainagwaladile, mo mwalatalele mwene atende nkati mumwe Klistu

Tiyagu 5:17

Liyashi avele munu áumbigwe kenga wetu, nae andíshwali na ntima pakulota imbula hainatonye; imbula indíimila kutonya mushilambo amu wakati wamyaka mitatu na inusu.

Maono 11:6

Vanavo vandivanavo madalaka akushima kuwa kwambangidya imbula hainatonye muwakati wavalava. Namomo vandivanavo lilamulo lyakujalulanga medi kuva myadi na kubyaa shilambo kwakula inamuna yavyaushanga, myanda vyo vyavalota vene.