Lukashi 24:30 - Ibibiliya mu Shimakonde Imbodi Yaambi na dimbande dya Imbodi Yakala

³⁰ Napanelo pavaikalenge kulya shakulya, nae andítwala ligung'u kwalaliya kumajanianga kutwala kuvapa.

Lukashi 24:30 ပူးပေါင်းရင်းမြစ်များ

Mateu 14:19

Nae akavalamulila venentete vaikalange muukoka, akatwala magung'u mwanu alalá na dyomba mbili adilá, akalola kuwa kutwala kwalaliya. Akamajaniange magung'u alalá andívapa vakwoda vake, vakwoda vake vo, kuvajavila venentete.

Mateu 15:36

akatwala magung'u saba alalá na dindemba adilá akannambwalela Nnungu, kumajanianga kuvapa vakwoda vake vanavo kutwala kuvajavila venentete.

Mateu 26:26

Muwakati wavashilya, Yesu akatwala ligung'u kwalaliya kutwala kumajanianga kuvapa vakwoda vake aashidoni, “Twala mulye! Au ni mili wangu.”

Malukushi 14:22

Napanelo pavashilya, Yesu andítwala ligung'u kwalaliya kumajanianga kuvapa vakwoda vake aashidoni, “Twala mulye. Au ni mili wangu.”

Malukushi 6:41

Yesu kutwala alalá magung'u mwanu pamo na adilá dyomba mbili kulola kuwa kwalaliya kumajanianga magung'u kuvapa vakwoda vake vavajavile namomo kuvajavila adilá dyomba mbili vanu uti.

Malukushi 8:6

Yesu ankuvalamulila venentete vaikalange pai. Nae patwete magung'u saba alalá kunnambwalela Nnungu kumajanianga, andívapa vakwoda vake pakulota vavajavile venentete, vanavo kutandela momo.

Lukashi 22:19

Namomo andítwala ligung'u kunnambwalela Nnungu, kumajanianga kuvapa vakwoda vake aashidoni, “Au ni mili wangu ujaulíka mwaa wenu mwenu. Tenda shinu ashi mungukumbukila nangu.”

Lukashi 24:29

kanji vanavo vanínkanyilidya aikale vaashidoni, “Pagwa namu wetu popo apa mwaa liduva lindishwa.” Bai Yesu andíinjila nkaja kutwala kwikanavo.

Lukashi 24:35

Namomo avalá vakwoda vavili, navanavo vandívalanganga vivatandéke niindila na kuvalanganga kenga vanímmanya kwaindila yashimajanidyo shaligung'u.

Lukashi 9:16

Yesu kutwala magung'u mwanu alalá pamo na dyomba mbili adilá kulola kuwa kwalaliya kutwala kuvapa vakwoda vake vavajavile venentete.

Nshuwau 6:11

Yesu akatwala magung'u alalá kunnambwalela Nnungu, kuvajavila avalá vaikalénge na dyomba adilá kutandela momo kwodana na kenga mo mwashilatela kula munu.

Vitendo 2:42

Napanelo vanavo vashindangaikangila mapundisho avamyombe, upamo, kumajananga ligung'u na kushwali.

Vitendo 2:46

Liduva kwaliduva vakadyania mwing'ande ya Nnungu, vamajananga ligung'u muding'ande, vashindamajananga kula munu na muje kwamitima vyalipuwilo na vyakujaulanga,

Vitendo 27:35

Ling'oto lyakutangola malove ala, andítwala ligung'u kunnambwalela Nnungu kumeja kutwala kulya.