Lukashi 23:2 - Ibibiliya mu Shimakonde Imbodi Yaambi na dimbande dya Imbodi Yakala

² Vanavo vandítunduvanga kuntambudyanga vinu vaashidoni, “Munu aju tuninkadyedya avatindinganianga venentete vetu aleya kunnipa Shashali ukodi wakunnodya nae kuva umu wetu na kavili jojo kulivika jo mwene kuva Klistu yani umu.”

Lukashi 23:2 ပူးပေါင်းရင်းမြစ်များ

Mateu 17:27

Kanji napanelo pakulota havanashimwe, wena kulitanda ukajele indawana mmedi. Yomba ntandi waulota kunkangola njamye ikanywa yo undakodya dishingo nsheshe utwale ungulipile nangu pamo namu wako umwene.”

Mateu 22:21

Vanavo do, “Shashali!” Nae kushidoni, “Bai vimwe Shashali mwing'e mwene Shashali na vimwe Nnungu mwing'e mwene Nnungu.”

Mateu 27:11

Napanelo Yesu vandímwimidya pamevo pake nang'olo walijimbo nae kutwala kumudya, “Da wako ni umu wavayuda?” Yesu kushidoni, “Wako ni úvalanganga.”

Malukushi 12:17

Kutwala Yesu kushidoni, “Vimwe Shashali, mwing'e mwene Shashali na vimwe Nnungu, mwing'e mwene Nnungu.” Bai vanavo vashinanshanga.

Malukushi 15:2

Pilatu kumudya Yesu, “Wako umu wavayuda?” Yesu kushidoni, “Wako ni úvalanganga.”

Lukashi 23:14

“Mwenu muningupalakadyedya munu aju na munimmalanganga kenga ankuvatindinganianga venentete. Kanji lola, nangu paninnalyenge nae pamevo penu, haningwene likosha lyoelyoe pakati pavinu uti vyamumwaulenge

Lukashi 23:5

Kanji vanavo vashindang'ang'anikila vaashidoni, “Aju ankupita avatubya venentete na mapundisho ake ku Yudeya akuno uti kutunduvanga ku Galileya mpaka nkaja amu.”

Nshuwau 18:29

Nadoni Pilatu andyúma kuka ndatangola na vanavo kutwala kuvaudya, “Munu aju mummalanganga makosha shani?”

Nshuwau 18:30

Vanavo vakanjang'ula kushidoni, “Nae leka akavele nkalau, hatunamwidenavo ndakukamudya wako.”

Nshuwau 19:12

Kutunduvangila apo Pilatu ashindalambela mwakumuungulila Yesu kanji vayuda vashindajunga vaashidoni, “Ukamuungula munu aju, wako haunava shinu umuje Shashali. Mwaa woewoe álivika kuva umu, ankumpinga Shashali.”

Vitendo 24:13

na ata wakuulula kwakikisha pamevo pako avilá vyavangukashalya.

Vitendo 24:5

Tundyanalela kenga munu aju ni nantindingania wakujowa namene áidanavo shititimbu na kupwatananga pakati pavayuda mushilambo uti. Jojo aju ni nanangalaledi nkumene waishama yavanashaleti.

Valoma 13:7

Napavedoni, vape vanu uti ashilá shivavaikidíle: waukodi mupe ukodi, wanshango mupe nshango, ávaikidile kujaweka ajaweke na ávaikidile apate ishima, mupe ishima.