Lukashi 23:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Bai Elode pamo na vaing'ondo vake vaníntanila na vandímwiludyanga, kungwadya ikanju yashiumu kutwala kumuujidya kumwe Pilatu.

Lukashi 23:11 ပူးပေါင်းရင်းမြစ်များ

Mateu 14:1

Napanelo mumaduva alo Elode nang'olo walijimbo andíigwanga dyabali dimwe Yesu.

Mateu 14:3

Ivé doni, jo Elode aju anínkamula Nshuwau kumunga mang'unyang'unya kutwala kunjela nkalaboshi kwamwaa umwe Elodiya ndyagwe Pilipo nung'une mwene.

Mateu 14:6

Napanelo muliduva lyashitenda Elode shikukulu shakumbukumbu yakuvalekwa kwake, mwana nkongwe umwe Elodiya andívina landa pamevo pavanu avalá. Elode kutwa kumwida lipuwilo lyoe

Malukushi 9:12

Yesu do, “Mwiu paida Liyashi, andapanganianga vinu uti. Kanji mwaa shani indyandikigwa imwamba Mwana Wamunu doni, ‘Inimmaikila auvauvange vinu vyoe na ailudyangigwe’?

Lukashi 23:10

Vanang'olo vavakulangalalela-shadaka pamo na vamwalimu vadishaliya pashinu apo, vashinantambudyanga na dimongo vinu vyoe.

Nshuwau 19:5

Bai Yesu andyúmila panda àgwete lidaka lyadimiva mmuti na ikanju yailangi yanshambalau. Pilatu kutwa kuvaulila kushidoni, “Mwenu! Munu jo, aju.”

Tiyagu 2:2

Tuke tulole: nkati mumikodyanio vyenu ainjila munu àgwete myala vyake dipete dyashaabu, namomo àgwalenge dinguvo dyakuvailanga kutwala yadavo kwinjila munu mmashikini àgwete dinguvo dyakunyambikanga

Tiyagu 2:3

kutwala mwenu kuntanana ágwete dinguvo dyakuvailanga kumwaulila kushidoni, “Ikala apa palyutu lyambone,” namomo kumwaulila aijá mmashikini doni, “Imila akulá” kwali “ikala pai panguvikile madodo angu,”