Lukashi 22:19 - Ibibiliya mu Shimakonde Imbodi Yaambi na dimbande dya Imbodi Yakala

¹⁹ Namomo andítwala ligung'u kunnambwalela Nnungu, kumajanianga kuvapa vakwoda vake aashidoni, “Au ni mili wangu ujaulíka mwaa wenu mwenu. Tenda shinu ashi mungukumbukila nangu.”

Lukashi 22:19 ပူးပေါင်းရင်းမြစ်များ

Mateu 14:19

Nae akavalamulila venentete vaikalange muukoka, akatwala magung'u mwanu alalá na dyomba mbili adilá, akalola kuwa kutwala kwalaliya. Akamajaniange magung'u alalá andívapa vakwoda vake, vakwoda vake vo, kuvajavila venentete.

Mateu 15:36

akatwala magung'u saba alalá na dindemba adilá akannambwalela Nnungu, kumajanianga kuvapa vakwoda vake vanavo kutwala kuvajavila venentete.

Lukashi 22:17

Muwakati wowo Yesu andítwala shikombe kunnambwalela Nnungu kutwala kushidoni, “Twala mulakalanile.

Lukashi 22:20

Pavamalidile kulya, andítwala shikombe kutandela momo aashidoni, “Shikombe ashi ni imbodi yaambi yamyadi vyangu vijaíka mwaa wenu mwenu.

Lukashi 24:30

Napanelo pavaikalenge kulya shakulya, nae andítwala ligung'u kwalaliya kumajanianga kutwala kuvapa.

Nshuwau 6:23

Napanelo dingalava dinji dyakwalalakela ku Tibeliyade dindívandika palyutu lyavavéle venentete na lyavalyaladíle magung'u ling'oto limwe Umu kunnambwalela Nnungu.

Nshuwau 6:51

Nangu ni ligung'u lingumi lyalakadíle kuwa. Munu woewoe akalya ligung'u ali andanama ngwengwe. Ligung'u lyene lyo ni wo mili wangu au wangulota kujaula pakulota shilambo shipate shingumi.”

I Vakolintu 10:16

Da i mwiu luwene lwakwalaligwa alulá lwatulambwalela, hakunava shinu kuliinjidyanga mumyadi vimwe Klistu? Ligung'u lyatumajana hakunava shinu kuliinjidyanga mumili umwe Klistu?

I Vakolintu 10:4

uti vandíkumbila medi lolo aimumu; doni vanavo vandíkumbila kwalakela mulijanga lyaimumu alilá líshivoda, lijanga lyo àvele Klistu.

Vagalata 1:4

ályumidye jo mwene kwamwaa wamadambi etu pakulota atuposhe muwakati au wakunyata kwodananavo malotelo atatagwetu Nnungu.

Vagalata 4:25

Agali ni lishinga lya Shinai livéle ku Alabiya liitíka kuva Yelusalemu yamaduvano mwaa yanavo inkupagwa muutumwa pamo na vanavake.

Vaepeshu 5:2

na nama mulinagwaledyo kenga Klistu anditunagwaledya kutwala kulyumya jo mwene yetu wetu kuva inudyo na shadaka shinung'angíla kwa Nnungu.

I Vateshalonika 5:18

Lambwalela muuti mwaa ala ni malotelo ake Nnungu kwenu mwenu nkati mumwe Klistu Yesu.

Titu 2:14

ályumidye jo mwene kwamwaa wetu wetu pakulota atwambole muungave-lilamulo uti na alikandyangidye jo mwene venentete vavaushanienge ushapu vaugweka vake jo mwene vavénavo dukuduku yakutandedya vitendo vyambone.

I Patulu 2:24

Nae jo mwene andilitika mumili mwake madambi etu panshalaba kwambangidya tupele kwamadambi na tuname kwaishaliya; kwaindila yavilonda vyake, mwenu mundipona.