Lukashi 20:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Nae andavaukila vanu avo ndavatanalanga kutwala lishamba lyo, kuvapa vanu vanji.” Bai venentete pavaigwite malove alo kutwala kushidoni, “Shonde hainave davo.”

Lukashi 20:16 ပူးပေါင်းရင်းမြစ်များ

Mateu 21:34

Pauwikile wakati wamapuno nae kuvatumidya vatumika vake kwavakulima ko vakatwale isemu yake yavyepo.

Mateu 21:41

Vanavo kushidoni, “Andavamalidya uti kwaukalau kutwala lishamba lyo kuvakamudya vanji valóta kwidanavo vyepo ukawika wakati wake.”

Mateu 22:7

Bai umu kutwala kushimwa. Nae akavatumidya vaing'ondo vake ndavabamola avalá vakubyaa na kutaa moto njini wave.

Malukushi 12:9

Napanelo mwene lishamba jo alota kutandela mwashi? Nae andaida ndavabyanga uti vakulima avo kutwala lishamba lyo kuvapa vanu vanji.

Lukashi 19:27

Napanelo vamongo vangu vákashilota nangu nguve ni umu wave vo, vaidenavo apa muvatanalange nangu nivona.’ ”

Lukashi 20:15

Bai vanavo vandíngang'alangila kunyenje lishamba kutwala kummalidya. Napanelo mwene lishamba alota kuvatandela mwashi vanu avo?

Vitendo 13:46

Ata ikave davo Paulu namu Balinaba vandítangola pavakajugulanga shinu vaashidoni, “Indívaikila shitandi tuvalangange lilove lya Nnungu kwenu mwenu kanji kwodamwaa munkwita na munkulyapula mushingumi shíkamalilika, bai wetu mwanda au kwavamidi.

Valoma 11:1

Napane ninkudya, da Nnungu jo andivaita venentete vake? Ata padyoko vela! Mwenu, ata nene nimwene ni mwanaishilaeli, wamuudukulu umwe Abulaamu, wamulikola limwe Benjameni.

Valoma 11:11

Napavedoni ninkudya, da vandilikuvala pakulota vajale? Ata padyoko vela! Leka apo, kwaindila yakupujungula kwave kwambolegwa kundivawikila vamidi kwambangidya ivatadye vanaishilaeli vavenavo liloko.

Valoma 3:31

Da doni po tunkuputanga lilamulo kwaindila yalikulupililo? Ata padyoko vela! Kanji lyanavo lyo, tunkunonowanga.

Valoma 3:4

Ata padyoko vela! Nneke Nnungu ave waumwiu ata ikava kenga kula munu ni wakushang'apa kenga indyandikigwa, “pakulota uvenavo ishaliya mumalove ako, na paukumu po, uteme.”

Valoma 3:6

Ata padyoko vela! Leka ìvele davo, Nnungu akaulwile dashi kuukumu shilambo?

Valoma 6:15

Napanelo shakwashi? Da tutege pakuva hatunatawaligwa shinu na lilamulo kanji tunkutawaligwa na umonyo? Ata padyoko vela!

Valoma 6:2

Ata padyoko vela! Wetu túpadile kwalidambi tulota kuka dashi mushu tunama nkati mulidambi?

Valoma 7:13

Napane, da shambone sho shindijalukanga kwangu nangu kuva kupela? Ata padyoko vela! Kanji lidambi pakulota lililodye kuva lidambi, kwaindila ya ashilá she shivéle shambone, lyanavo lindiidanavo kupela nkati mwangu kwambangidya kwaindila yalilamulo, lyanavo lililodye ngala kuva shinu shakutega kupunda apo.

Valoma 7:7

Napane tuushidashi? Da lilamulo lyo, lidambi? Ata padyoko vela! Ila leka likapagwite lilamulo, hangunamanye lidambi ni nyamani. Mwenu, nangu hangunamanye nyamani kung'unuka leka lilamulo likatangwele doni, “Haunang'unuke!”

Valoma 9:14

Napane tuushidashi? Da Nnungu jo ni waungave-shaliya? Ata padyoko vela!

I Vakolintu 6:15

Da mwenu hamunamanya shinu kenga mili vyenu ni dimbande dimwe Klistu? Da nangu ninkuulula kutwala dimbande dimwe Klistu kuukanavo ndaunganianga namu dimwe lilaja? Ata padyoko vela!

Vagalata 2:17

Ikava kenga wetu tulambela tupate ishaliya nkati mumwe Klistu kutwa wewe momo kwaneka kuva tuvakutega, da napane Klistu jo ntumika walidambi? I mwanavo!

Vagalata 3:21

Da doni po lilamulo linkutaukanga kulivikila kwake Nnungu? Ata padyoko vela. Mwaa leka lìpagwite lilamulo líng'a shingumi, mwiu ishaliya ikandyalakela mulilamulo.

Vagalata 6:14

Nangu mwiko hangunalishibangile paikava kwanshalaba umwe Umu wetu Yesu Klistu mwaa kwaindila yanshalaba wo, shilambo shindikamalalegwa kwangu nangu na nangu ndikamalalegwa kwaupande washilambo.