Lukashi 20:14 - Ibibiliya mu Shimakonde Imbodi Yaambi na dimbande dya Imbodi Yakala

¹⁴ Kanji vakulima po pavangwene, vandyáulanila kushidoni, ‘Aju ni jojo wavalota kunkamudya lyala ali. Mmanemba! Idananga akuno tummalidye kwambangidya lyala ali live lyetu.’

Lukashi 20:14 ပူးပေါင်းရင်းမြစ်များ

Mateu 16:7

Vanavo vashindataukananga shivenevene vaashidoni, “Ni mwaa wetu wetu watukanyukete magung'u.”

Mateu 21:25

Da ubatisho umwe Nshuwau walakadilé kwashi? Walakadilé kuwa kwali kwavanu?” Vanavo kwaulanila shivenevene vaashidoni, “Tukaashidoni, ‘Walakadilé kuwa,’ nae andatudya, ‘Mwaa shani hamunkulupidile?’

Mateu 21:34

Pauwikile wakati wamapuno nae kuvatumidya vatumika vake kwavakulima ko vakatwale isemu yake yavyepo.

Lukashi 19:47

Kula liduva nae ashindapundisha mwing'ande ya Nnungu. Napanelo vanang'olo vavakulangalalela-shadaka, vamwalimu vadishaliya pamo na vanang'olo vavenentete vashindalambela mwakummyaila

Lukashi 20:13

Napanelo mwene lishamba, ‘Nduu! Ngutandelé mwashi? Idavo, leka nintumidye mwanangu wapantima na waninnagwaledya namene nakapanji nae pavamwona, vandamwishimu.’

Lukashi 20:15

Bai vanavo vandíngang'alangila kunyenje lishamba kutwala kummalidya. Napanelo mwene lishamba alota kuvatandela mwashi vanu avo?

Lukashi 20:19

Napanelo vamwalimu vadishaliya na vanang'olo vavakulangalalela-shadaka vashindalota vamwinjilinneu mwaa vandímanya shalowa kenga nkong'o awo ushivakumbyanga vanavo kanji vashindavajopa venentete.

Lukashi 20:5

Vanavo kutangola shivenevene vaashidoni, “Tukaashidoni walakadilé kuwa, nae andaashidoni, ‘Kanji mwaa shani hamunkulupidile?’

Lukashi 22:2

Nadoni vanang'olo vavakulangalalela-shadaka pamo na vamwalimu vadishaliya vashindalambela dindila dyakummalididya Yesu mwaa vashindavajopa venentete.

Vitendo 2:23

munu aju vaninkamudya kwaishabaa na imanyika kaladavo na Nnungu, mwenu jojo jo, kwalipwashalelo lyavaungave-lilamulo muninkamela panshalaba kutwala kumpedya.

Vitendo 3:15

Napavedoni, mwenu munimpedya mwene shingumi kanji napane Nnungu, jojo jo, anindyuwa mushipinga shavakupela na wetu nelo tuvashuda vashitendo asho.

Valoma 8:17

na ikava kenga tuvanavake, bai ni tuvakupata-maleko, upande unji kumwe Nnungu na upande unji pamo namu Klistu ikava kenga mwiu tundáuvauvanga namu nae pakulota lishangelo tupate pamo namu nae.

Vabalaniya 1:2

kanji mumaduva ala amwisho nae anditangola namu wetu kwaindila ya Mwanagwe aijá wankamudidye maleko avinu uti na kwaindila yake nae andikandyanga momo kuwa na pai.