Lukashi 20:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Napanelo mwene lishamba, ‘Nduu! Ngutandelé mwashi? Idavo, leka nintumidye mwanangu wapantima na waninnagwaledya namene nakapanji nae pavamwona, vandamwishimu.’

Lukashi 20:13 ပူးပေါင်းရင်းမြစ်များ

Mateu 17:5

Patulu akuno atangola, kuwa kwaloka lyundi lyakushenga kuvainikidya, mo mulyundi mo kwigwinika lidi liishidoni, “Aju ni mwanangu waninnagwaledya, ángupa lipuwilo, jojo jo, mwigwilile.”

Mateu 3:17

Bai lidi lyakwalakela kuwa kushidoni, “Aju ni mwanangu wakunagwaleka, kwamwaa wake nae ninkupuwanga namene.”

Lukashi 18:2

aashidoni, “Palikaja limo andípagwa nkúukumu ákashinjopa Nnungu na ákashimwishimu munu woewoe.

Lukashi 18:4

Nkúukumu andítwala wakati aita kumwangangola kanji mushu mwake andíkumbukila doni, ‘Ata ikava kenga nanjopa Nnungu na ata namwishimu munu

Lukashi 20:12

Kuntuma wantatu nanae ajo vanavo kummyaa kutwala kunkumulanga yadavo.

Lukashi 20:14

Kanji vakulima po pavangwene, vandyáulanila kushidoni, ‘Aju ni jojo wavalota kunkamudya lyala ali. Mmanemba! Idananga akuno tummalidye kwambangidya lyala ali live lyetu.’

Lukashi 9:35

Mo mulyundi mo lindyúma lidi líshishidoni, “Aju ni mwanangu, wakutandalegwa wangu, jojo jo mwigwilile!”

Nshuwau 1:34

Nangu ndimwona na ninkumya ushuda, aju ni Mwana wa Nnungu.”

Valoma 8:3

Doni, ashilá shíkaulwile lilamulo kutandedya kwamwaa wakudabadabanga kwashimunumunu, Nnungu anditandedya pantumididye Mwanagwe kwaing'ope yashimunumunu yalidambi na kwaupande walidambi, nae andyukumu lidambi mushimunumunu

Vagalata 4:4

Napane paukile ndawikila popo wakati we uvikíke, Nnungu anintumidya mwanagwe ávalakwadidye munkongwe na ávalakwadidye mukutawaligwa na lilamulo