Lukashi 2:49 - Ibibiliya mu Shimakonde Imbodi Yaambi na dimbande dya Imbodi Yakala

⁴⁹ Nae kushidoni, “Mushingulambalela eshi? Hamunamanya shinu doni nangu ininguvaikila ngupagwe mwing'ande imwe Atata?”

Lukashi 2:49 ပူးပေါင်းရင်းမြစ်များ

Mateu 21:12

Napanelo Yesu andíinjila mwing'ande ya Nnungu kutwala kuvakumulanga vanu uti nng'ande mo váshishumidya na váshishuma vinu, kugang'alanga dimesha dyavakushenji-njuluku na dikiti dyavakushumidya-ding'unda

Lukashi 2:48

Tatake na anyoke pavangwene, vandíshanga kutwala jujumunu kushidoni, “Mwanangu, mwaa shani unditutenda davo? Shapo lola, nangu pamo na tatako tundidumbadumba tukulambela.”

Nshuwau 4:34

Yesu kuvaulila doni, “Shakulya shangu ni kutandedya malotelo ake aijá ángutumididye na kulinganianga shimadengo shake.

Nshuwau 5:17

Napane Yesu kuvaulila doni, “Atata ankukola madengo mpaka ambi, nadoni nanangu momo ninkukola.”

Nshuwau 5:36

Kanji napane ushuda wangu nangu unkupunda aulá umwe Nshuwau mwaa madengo angupele Atata ngumalile, madengo ala angutenda ankunguvalanganga kenga nditumigwa namu Atata.

Nshuwau 6:38

Nidoni, ngwaleké kuwa i kwida ndatandedya malotelo angu ila ngwidilé ndatandedya malotelo ake aijá ángutumididye.

Nshuwau 8:29

Aijá ángutumididye ankupagwa pamo namu nangu. Nae hananguleka shinu gweka mwaa avilá vinnagwéla, ngwengwe ninkutandedya.”

Nshuwau 9:4

Indituvaikila tukole madengo amwe aijá ángutumididye uvé wo mui au. Shilo shinkwida pakaulula munu kukola madengo.