Lukashi 2:14 - Ibibiliya mu Shimakonde Imbodi Yaambi na dimbande dya Imbodi Yakala

¹⁴ “Lishangelo livelé namu Nnungu kushanya-uti; amani namu vanu mushilambo, vanu vovo vavatanene mwene Nnungu.”

Lukashi 2:14 ပူးပေါင်းရင်းမြစ်များ

Mateu 21:9

Imbumba íshuka mushu na íshimwoda, dishindatangola pashanya po diishidoni, “Kushibika kupagwe na mwanagwe Daudi. Aalaligwe aijá áida palina limwe Umu. Kushibika kupagwe kushanya-uti.”

Lukashi 1:79

ivalangadye avalá vapágwa mushii na mukupela na itulangalalele mwindila yaamani.

Lukashi 19:38

vashindatangola doni, “Aalaligwe Umu áida palina limwe Umu! Amani ipali kuwa, lishangelo kushanya-uti!”

Lukashi 2:13

Kwashingangala kwanakenneu imbumba yavakuwa ìlyunganienge namu njelo jo vantumbyanga Nnungu kushidoni,

Lukashi 2:15

Vanjelo avalá vakanyamange kuka kuwa, vakushunga-dinyama vandyáulanila kushidoni, “Takatukanga tuke ku Beteleemu tukalole vitandéke vyatwaulidile Umu avi.”

Lukashi 3:22

kukashimuke, Imumu Wanashwe wakwaneka shana wakuva mwang'unda kushuluka kuntulila mumili kutwala kuwa kwigwinika lidi lishishidoni, “Wako ni umwanangu wapantima, ninkukunnagwaledya namene; kwamwaa wako wako nangu ninkupuwanga namene.”

Nshuwau 14:27

Ninkunnakela amani; amani yangu ninkumupa. Hangunamupa shinu kenga mwaijaulila shilambo. Hamunaushaushange mitima vyenu na hamunajope.

Nshuwau 17:4

Nangu ndikupa lishangelo mushilambo pangumalidile shimadengo uti shaungukamudidye ngutende.

Nshuwau 3:16

“Amu ni mwanagwaladidye Nnungu shilambo, ata mpaka nae kumumya mwanagwe ávele jumo jojo pakulota uti vankulupíla nae havanajaike kanji vavenavo shingumi shíkamalilika.

Vitendo 10:36

Kwaupande walilove lyatumididye nae kwavanaishilaeli livalangánga ntenga wambone waamani kwaindila imwe Yesu Klistu àvele Umu wavanu uti,

Valoma 5:1

Napavedoni pakuva tundivalangiligwa ishaliya kwalikulupililo, tunkuvanavo amani namu Nnungu kwaindila imwe Umu wetu Yesu Klistu.

Vaepeshu 1:6

kwakutumbyangilika kwalishangelo lyaumonyo wake watutanene nkati mumwe Wakunagwaleka.

Vaepeshu 1:9

atadya tumanye shipii shamalotelo ake kwodananavo mwainagwaladile, mo mwalatalele mwene atende nkati mumwe Klistu

Vaepeshu 2:4

Napane Nnungu wakuumbaligwa shididi, kwalinagwaledyo lyake likumene lyatunagwaladidye,

Vaepeshu 2:7

kwambangidya muwakati wída, nae alodye umbala wamali aumonyo wake mulitananilo lyake kwetu wetu nkati mumwe Klistu Yesu.

Vapilipo 2:11

na kula lulimi luvalangange kenga Yesu Klistu ni Umu kwalishangelo lya Nnungu Atata.

Vapilipo 2:13

mwaa Nnungu ni ákola madengo nkati mwenu pakulota mwenu mulote na mutandedye kwodananavo amulá munnagwéla nae.

Vakoloshu 1:20

na kwaindila yake aunganiange kavili vinu uti kwake atandedya amani kwaindila yamyadi vyake vijaíke panshalaba, vinu uti ata ikava vivéle mushilambo shapai ata ikava vivéle kuwa.

II Vateshalonika 2:16

Doni, jo mwene Umu Yesu Klistu namu Nnungu Tatagwetu átunagwaladidye na átupele kupambadyangigwa kúkamalilika na lilindilililo lyambone kwaumonyo,

Maono 5:13

Napanelo ndígwa kula shiumbi shivéle kuwa, mushilambo, pai, mwimanga na uti vipagwíte amo viishidoni, “Kwake aijá áikele pashiteng'u na kumwe Ngandolo, litumbyangilidyo na ishima, lishangelo na utawala vipagwe ngwengwe ngwengwe.”