Lukashi 19:47 - Ibibiliya mu Shimakonde Imbodi Yaambi na dimbande dya Imbodi Yakala

⁴⁷ Kula liduva nae ashindapundisha mwing'ande ya Nnungu. Napanelo vanang'olo vavakulangalalela-shadaka, vamwalimu vadishaliya pamo na vanang'olo vavenentete vashindalambela mwakummyaila

Lukashi 19:47 ပူးပေါင်းရင်းမြစ်များ

Mateu 21:23

Yesu akainjila mwing'ande ya Nnungu. Napanelo nae apundisha, kumwidila vanang'olo vavakulangalalela-shadaka pamo na vanang'olo vavenentete ndamudya, “Vinu avi utenda kwamadalaka shani na madalaka ene lo akupelé nyani?”

Mateu 26:55

Muwakati wowo Yesu kutangalela imbumba kushidoni, “Kenga nkalau shamwida na maambila na dilungu kwida nangukamula? Kula liduva ngushindapagwa mwing'ande ya Nnungu ngwìkele ngupundisha ata hamunguungile.

Malukushi 11:18

Malove alo, vanang'olo vavakulangalalela-shadaka pamo na vamwalimu vadishaliya vashindaigwa. Vanavo vashindalambela dindila dyakummalididya mwaa vashinanjopa kwoda vanu uti vashindashanga mapundisho ake.

Malukushi 12:12

Napavedoni vanavo vashindalambela dindila dyakunkamulila mwaa vandímanya kenga nkong'o awo, ashivakang'ela vanavo. Kanji kwodamwaa vashindajopa imbumba yavenentete, vanínneka kutwala kuukananga.

Malukushi 14:1

Akuno àbakidile maduva mavili pakulota kuwika Pasaka na shikukulu shamagung'u ákavele nkukumuku, vanang'olo vavakulangalalela-shadaka na vamwalimu vadishaliya vashindalambela dindila dyakushang'apa pakulota vankamule Yesu vammyae.

Malukushi 14:49

Kula liduva ngushipagwa namu mwenu mwing'ande ya Nnungu ngupundisha, ata hamunguungile. Napane avi uti ni pakulota Maandiko awikile popo.”

Lukashi 19:48

kanji havashipata dindila dyakummyaila mwaa venentete uti vandítitimila mukumwigwilila.

Lukashi 20:19

Napanelo vamwalimu vadishaliya na vanang'olo vavakulangalalela-shadaka vashindalota vamwinjilinneu mwaa vandímanya shalowa kenga nkong'o awo ushivakumbyanga vanavo kanji vashindavajopa venentete.

Nshuwau 10:39

Bai vayuda vandílingangila kavili kunkamula kanji nae andívativaniva.

Nshuwau 18:20

Yesu kutwala kushidoni, “Nangu nditangola ngala na shilambo; ndipundisha ngwengwe muvitala vyakulipudidya na mwing'ande ya Nnungu mwavakadyania uti vayuda. Hashipali shangutangwele kwashipii.

Nshuwau 7:19

Da mwenu Musha hampele Lilamulo? Pakati penu Lilamulo alyo, hapali ata jumo átandedya. Mwaa shani munkulota mungumalidye?”

Nshuwau 7:44

Vanji pakati pave vashindalota vankamule kanji hapagwíte wakulyalaveka kundabunya.