Lukashi 19:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Nadoni andítangola kushidoni, “Andípagwa munu jumo walikola lyashiumu atwéte mwanda kuka kushilambo shakushu vakankamudye shiumu ling'oto auje.

Lukashi 19:12 ပူးပေါင်းရင်းမြစ်များ

Mateu 21:38

Kanji avalá vakulima po pavangwene mwanagwe, vanavo vandyáulanila vaashidoni, ‘Aju ni walota kunkamudya vinu uti, idananga tummyae lishamba lyo live lyetu.’

Mateu 28:18

Yesu kutwala kuvavandika kuvaulila kushidoni, “Vaningukamudya madalaka uti kuwa na pai.

Malukushi 12:1

Napanelo Yesu andítunduvanga kutangola na vanavo atumila mikong'o aashidoni, “Munu jumo andílima lishamba lyamilandi vyavinyu kutwala kudangela lingongo, kwimba shima shakuminyangila vyepo na kudenga libodo lyakulepa; kuvakodisha vakulima mwene kutwala mwanda kuka.

Malukushi 16:19

Napanelo Umu Yesu akamalile kutangola namu vanavo, nae po kutanduligwa kuka kuwa ndaikala kunkanakono kwake Nnungu.

Lukashi 20:9

Napavedoni Yesu andívakang'ela venentete nkong'o au, “Munu jumo andílima lishamba lyake lyamilandi vyavyepo kutwala kuvakodisha vakulima, mwene kuka kushilambo shinji ndaikala maduva oe namene.

Lukashi 24:51

Avaalaliya nae andívanyema kutanduligwa kuka kuwa.

Nshuwau 18:37

Pilatu kutwala kushidoni, “Bai wako po, umu!” Yesu akajang'ula, “Wako ni úvalanganga. Kwakutangola mwiu ndivalekwa kwamwaa au na kwamwaa wowo ndida mushilambo amu pakulota ngumye ushuda kwaumwiu. Uti avalá vaumwiu, vankwigwa lidi lyangu.”

Vitendo 17:31

mwaa Nnungu andipanga liduva lyakuukumu shilambo kwaishaliya kwaindila yamunu jumo wantandwele mwene. Ing'ano ai andilodya umwiu kwauti pakundyuwa munu ajo pakati pavakupela.”

I Vakolintu 15:25

Mwaa indivaikila Klistu atawale mpaka avavike vamongo vake uti kumaulu kwake.

Vabalaniya 9:28

Nimumo momo Klistu andilyumya shadaka mwanda umo tu bai alitika madambi avanu voe na nae andauja mwanda wambili i kwalidambi kanji pakulota kuvaambola avalá vannindíla na mweshe.

I Patulu 3:22

ákwadile kuwa kwikala kunkanakono kwake Nnungu kutwala kuvavika vanjelo mwina mwake, madalaka pamo na dimongo uti.

Maono 1:7

Mwe! Nae ankwida mumaundi na kula munu andamwona ata mpaka avalá vantalwéle nkushi; makola uti amushilambo andatangadikanga kwamwaa wake nae. Nadoni amu mundatandeka! Ame.