Lukashi 18:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Kanji nkúkatisha-ukodi andíimila kushu na pakanyanyulila shilaka kuwa; nae ashindalikanyalanga pantima aashidoni, ‘Nnungu, ngwanangila shididi nangu ninkutega.’

Lukashi 18:13 ပူးပေါင်းရင်းမြစ်များ

Mateu 10:3

kwida Pilipo namu Balutolomeu, naida Tome namu Mateu aijá nkúkatisha-ukodi, naatika Tiyagu mwanagwe Alupeu namu Tadeu,

Mateu 6:5

“Napanelo pamushwali hamunave kenga avalá vanu vamalambi. Vanavo kuvanagwela kushwali vaimidile muvitala vyakulipudidya na nanyenje dibalabala pakulota vaaneke kwavanu. Ninkumwaulila mwiu doni, vovo vo tayali vandipata inudyo yave.

Mateu 9:13

Wena mukalipundishe mana amalove ala, ‘Shangulota ni shididi i shadaka.’ Nangu hangwidile ndavashema vaishaliya ila vakutega.”

Malukushi 11:25

Pamushwali, shikapagwa shinu muntima mwako na munumwavo, nnivalive pakulota Tatagwenu ávele kuwa nanae annivalive kupujungula kwenu.”

Lukashi 17:12

Akawike palikaja limo, vandímuukila vanu kumi vamalemba. Vanavo kwimilanga kushu

Lukashi 22:41

Nae kuvaleka kuka shitamba shamadodo salasini doni ndaguguvala kushwali

Lukashi 23:48

Kutwala imbumba yavanu vakodyaniénge palyutu alyo pakulota valole shitendo asho, pavagwene avilá vitandéke, vandyújila kumakaja valikanyalanga pashuva.

Lukashi 5:8

Simoni Patulu akone davo andyúka ndakola maulu kumwe Yesu aashidoni, “Nang'olo wangu, ngunyema; nangu ni nimunu wakutega.”

Vitendo 2:37

Bai vanavo vakaigwe malove ala, vindívabuka mitima kutwala kumudya Patulu pamo na vamyombe vanji kushidoni, “Mmanung'unumunu, napanelo wetu po tutandelé mwashi?”

Valoma 5:8

kanji Nnungu kwetu wetu andilodya linagwaledyo lyake jo mwene, doni, wetu tùvele avi tuvakutega, Klistu andipela kwamwaa wetu wetu.

II Vakolintu 7:11

Talola shana shipalodi shosho ashi shaalakéla kwa Nnungu shíng'a vyepo nkati mwenu: kutumbama shani, kushililidya shani, kushanga shani, kujopa shani, mweshe shani, dukuduku shani, ukumu shani! Nkati muuti mwenu mundililodya kuva mmanu múkave ushapu kwamwaa au.

I Timoti 1:15

Shitangodi ashi ni shakukulupilika na shindivaikila shiitikiligwe: doni, Klistu Yesu andida mushilambo ndavaambola vakutega, pakati pavakutega avo, nangu po, ni ngumamadidye.

Vabalaniya 4:16

Nadoni tuvandikile shiteng'u shaumonyo kwantima shii kwambangidya twanangiligwa shididi na tukakodye umonyo wakulota kutupwashela muwakati ulotéka.

Vabalaniya 8:12

Mwaa ungave-shaliya wave nangu ndavaanangila shididi, na shimadambi shave hangukumbukila kavili.”