Lukashi 17:2 - Ibibiliya mu Shimakonde Imbodi Yaambi na dimbande dya Imbodi Yakala

² Kudyanga munu ajo kumuungangila lijanga lyakwidopa paukoti kunjela mwimanga kuliko kuntadya kunkuvadya ndyoko ata pakavele jumo pakati pavadyoko ava.

Lukashi 17:2 ပူးပေါင်းရင်းမြစ်များ

Mateu 17:27

Kanji napanelo pakulota havanashimwe, wena kulitanda ukajele indawana mmedi. Yomba ntandi waulota kunkangola njamye ikanywa yo undakodya dishingo nsheshe utwale ungulipile nangu pamo namu wako umwene.”

Mateu 18:10

“Lilaledye kwambangidya hamunamwiludyange ata ndyoko jumo pakati pavadyoko ava! Nangu ninkumwaulila doni, vanjelo vave kuwa ko, ngwengwe vankwonana namu Atata ávele kuwa.

Mateu 18:14

Nimumo momo Tatagwenu ávele kuwa hanalota shinu ata padyoko kunjaika ndyoko jumo pakati pavadyoko ava.

Mateu 26:24

Mwana Wamunu andapalela kenga mo mwavandikidile vamwamba nae napane apambale aijá álota kunnimya Mwana Wamunu jo! Munu ajo kudyanga hanavalekwe.”

Malukushi 9:42

“Munu woewoe akantadya kukuvala ndyoko jumo pakati pavadikidiki ava vangukulupila nangu, kudyanga munu ajo kumuungila lijanga lyakwidopa pang'ulo kutwala kunjela mwimanga.

Nshuwau 21:15

Vakamalile kulya, Yesu andímudya Simoni Patulu, “Simoni mwanagwe Nshuwau, da wako unkungunagwaledya namene kuvapunda ava?” Nae doni, “Elo Umu, wako unkumanya kenga ninkukunagwaledya.” Yesu kushidoni, “Valishe vangandolo vangu.”

I Vakolintu 9:15

Kanji nangu hangutumidile kulamana na padyoko aki ayo na ata hangunaandika shinu ngulinda ive davo kwangu nangu. Kudyanga ngupele kuliko munu agaluwange kulyona kwangu.

I Vakolintu 9:22

Kwavakudabadabanga nangu nguukilé ndava nkúdabadabanga kwambangidya ndivapate vakudabadabanga. Nguukilé ndava uti kwavanu uti kwambangidya kwadindila dyoedyoe ndivaambole vanji.