Lukashi 17:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Kutwala kugwilangila pamadodo pake Yesu annambwalela. Napanelo munu jojo jo, avele nshamaliya.

Lukashi 17:16 ပူးပေါင်းရင်းမြစ်များ

Mateu 10:5

Napanelo Yesu andívatuma avalá kumi na mbili avalaililila doni, “Kwavamidi, hamunauke na ata minjini vyavashamaliya, hamunainjile

Mateu 2:11

Pavainjilenge nng'ande vandímwona nunu jo pamo na jujumunu Maliya, vanavo kunguguvalila kulipudya kutwala kuutukulanga vituvi vyave kumupa dinudyo adi: shaabu, ubani na mila.

Malukushi 5:33

Nkongwe jo àmanyite ashilá shintandéke akuno ajopa na atatamela, anímmandika Yesu kuguguvala mushu mwake kutwala kummalangangila umwiu uti.

Lukashi 17:17

Yesu kutwala kumudya, “Da hamutakete mmanu kumi? Kushi mwanu na nsheshe vo vavelé kwashi?

Lukashi 5:8

Simoni Patulu akone davo andyúka ndakola maulu kumwe Yesu aashidoni, “Nang'olo wangu, ngunyema; nangu ni nimunu wakutega.”

Nshuwau 4:9

Napanelo aijá nkongwe nshamaliya aijá kumudya, “Ivelé dashi wako ùvele umuyuda kungujugwa nangu medi ninkongwe nshamaliya?” Mwaa havashilyanila vayuda na vashamaliya.

Nshuwau 5:23

kwambangidya vanu uti vamwishimu Mwana kenga mwavamwishimila Tatamunu. Ákamwishimu Mwana hanamwishimu shinu Tatamunu, aijá ántumididye.

Nshuwau 8:48

Vayuda vakanjang'ula, “Da wetu hatuvenavo ishaliya patukwaulidile doni, ‘Wako unshamaliya na majini andikudulumbuwa’?”

Vitendo 1:8

kanji mwenu mundapata dimongo dya Imumu Wanashwe álota kumwidila na mwemwe mundava mmashuda vangu kutunduvangila pa Yelusalemu, ku Yudeya, ku Shamaliya mpaka mwisho washilambo.”

I Vakolintu 14:25

shipii shamuntima mwake shindaundukuka kutwala kuunama kulipudya Nnungu aashidoni, “Mwiu, Nnungu ankupagwa pakati penu!”

Maono 19:10

Napanelo ndígwilangila mmadodo mwake pakulota ngulipudye kwake kanji nae kushidoni, “Haunatende davo! Nangu ni ntumika kenga wako na kenga vanung'unumunu vavénavo likulupililo muushuda wake Yesu. Lipudye kumwe Nnungu! Mwaa ushuda ummalangánga Yesu ni imumu yakulava.”

Maono 4:10

vanang'olo ishilini na nsheshe avalá vandáguguvalanga mpaka vyenye kundondya pai pamevo pamwe aijá áikele pashiteng'u, valipudya kwa aijá ánama ngwengwe ngwengwe na vavika madaka ave mushu shiteng'u vaashidoni,

Maono 5:14

Avilá viumbi nsheshe kushidoni, “Ame.” Bai vanang'olo avalá vandíguguvala kutwala kulipudya kwake.