Lukashi 16:24 - Ibibiliya mu Shimakonde Imbodi Yaambi na dimbande dya Imbodi Yakala

²⁴ Ntajili kutwala kushema, ‘Atata Abulaamu, ngwanangila shididi! Ntume Lashalu jo adabidye shala mmedi aide angudidimidye mululimi mwaa ninkupata mauvilo makumene namene mmoto mwanguvele amu.’

Lukashi 16:24 ပူးပေါင်းရင်းမြစ်များ

Mateu 25:41

“Bai napanelo andavaulila avalá vavé kunshanda kwake kushidoni, ‘Tumukanga apa mwenu mmanu mmadilana! Kuka kushena, kumoto úkamalilika wavankandyangididye Ndamoni pamo na vanjelo vake.

Mateu 3:9

Hamunakumbukile kutangola vila muntima, ‘Tatagwetu wetu Abulaamu.’ Ninkumwaulila doni, lo majanga ala Nnungu ankuulula kundyuwidya Abulaamu vana.

Mateu 5:22

Napane nangu jo ninkumwaulila doni, kula munu álota kunshunalila nung'unumunu vandamuukanavo paukumu. Namomo álota kuntukana nung'unumunu, vandamuukanavo kwikamati, nakavili, ámwaulila nung'unumunu do, ‘Hauvé ding'ano!’ vandamuukanavo kumoto wakushena.

Lukashi 16:30

Ntajili kushidoni, ‘Mene wako atata Abulaamu. Leka àukile munu ádyukile pavakupela ndatangonavo, vanavo vakandilijugulanga.’

Lukashi 19:9

Yesu kushidoni, “Nelo paing'ande apa kundimwikila kwambolegwa mwaa munu aju momo avelé mushipinga shaudukulu umwe Abulaamu.

Lukashi 3:8

Lodya vyepo vilódya kulijugulanga. Hamunaashidoni, ‘Tatagwetu wetu Abulaamu.’ Mwaa nangu ninkummanyiya ngala doni, ata majanga lolo ala, Nnungu ankuulula kundyuwidya Abulaamu vana.

Nshuwau 4:10

Yesu akanjang'ula kushidoni, “Wako leka ùmanyite inudyo ya Nnungu na ùmmanyite aijá átangola doni, ‘Ngupa medi ngukumbile,’ ukaninjugwa nae na nae akandikupa medi ashingumi.”

Nshuwau 4:14

kanji aijá álota kukumbila medi angulota kumupa nangu mwiko hainkola shinu kavili inyota. Medi angulota kumupa nangu lo andatadya nkati mwake mupandukange libububu lyamedi akumukanga auka kushingumi shíkamalilika.”

Nshuwau 7:37

Napanelo muliduva lyashidududu, liduva likumene lyakumalilanga shikukulu, Yesu andítakatuka kwimila kutwala kutangola pashanya po aashidoni, “Akapagwa ínkadile inyota, aide kwangu akumbile.

Valoma 4:12

na yadavo pakulota nae ave tatamunu wa avalá vakumulígwe i gweka vakumulígwe kanji namomo avalá vawéna mudyatuwa dyodyo dyalikulupililo limwe tatagwetu Abulaamu.

II Vateshalonika 1:8

mulilamba lyamoto avapa shaushanga avalá vákammanya Nnungu na vákaigwilila ntenga wambone umwe Umu wetu Yesu.

Tiyagu 2:13

ukumu haivanavo shinu shididi kwa avalá vákalodidye shididi. Shididi shindatema paukumu.

Tiyagu 3:6

Nadoni lulimi yadavo ni moto na lilangalanga lyaungave-shaliya. Lwanavo lunkuvanavo lyutu lyake pakati padimbandi dyamili vyetu, lunkumwambukisha mili uti, lunkukaledya shingumi uti; lwo lwene lwo lundikalela moto walakéla kushena.

Maono 19:20

Kanji lidimu aijá, vanínkamula pamo namu nkúlava wakushang'apa áshitenda vimanyikilo palina lyake avaduwanga vanu vapwashaladíle numalu umwe aijá lidimu na kulipudya kulishinamu lyake. Uti ava vavili vandíjalegwa mulitanda lyamoto likaléla na ipataki vàvele vangumi.

Maono 20:15

Napane aijá líkaaneke lina lyake mulibuku lyashingumi, andíjalegwa mulitanda lyamoto.

Maono 22:1

Napanelo njelo aníngulodya lundi lwamedi ashingumi kenga shilolo shakulangala, áshaaloka pashiteng'u shake Nnungu na sha Ngandolo,