Lukashi 16:2 - Ibibiliya mu Shimakonde Imbodi Yaambi na dimbande dya Imbodi Yakala

² Nae kunshema wankamudidye aijá kumudya, ‘Da vyandikwigwanga avi kushidashi? Ngupa ishabu yakushunga kwako mwaa wako hauva shinu kavili wakukamulila vyangu.’

Lukashi 16:2 ပူးပေါင်းရင်းမြစ်များ

Mateu 12:36

Nangu ninkumwaulila doni, muliduva lyaukumu vanu vandajang'ulanga malove uti akudidimanga.

Mateu 20:8

“Napanelo paiwikile yalyulo aijá mwene lishamba andímwaulila mmádengo wake áshikondya njuluku kushidoni, ‘Vashamange vamadengo uti uvalipe njuluku wave uvatunduvangila vamwisho uvamalilila vatandi.’

Lukashi 12:20

Kanji Nnungu kushidoni, ‘Wako undipungukanga! Shilo sho shanelo ashi ndakupoka ungumi wako! Panikupoka po, kushi vinu vyaukandyenge vyo, vyanyamani?’

Lukashi 12:42

Umu kushidoni, “Da wakwashi wavankamudidye wakukulupilika na wading'ano wammikile nang'olo wake kuva nanangalaledi wapaing'ande pake wakuvapa vamadengomwagwe shakulya muwakati uvaikidíle?

Lukashi 16:1

Namomo Yesu andívaulila vakwoda vake kushidoni, “Andípagwa munu jumo ntajili namene avénavo munu jumo wankamudídye vinu vyake. Napanelo ntajili jo, vandímwaulila kushidoni, ‘Munu wako jo, vyako kujaanga.’

Lukashi 16:3

Wankamudidye aijá do nduu, ‘Ngutandelé mwashi? Nang'olo wangu ankungumya mukushunga; kulima hanguulula, kupita ngujugwajugwa ngwona dyoni!

Valoma 14:12

Nadoni kula munu pakati petu andaitikanga jo mwene kumwe Nnungu.

I Vakolintu 1:11

Mwenu, nangu ndipata dyabali dyenu mwenu mmanung'unumunu kwalakela kwavakolowe kenga kunkupagwa kutaukananga pakati penu.

I Vakolintu 4:2

Kupunda apo, shitakígwa kwavavakamudidye ni kulota vaonekane kukulupilika.

I Vakolintu 4:5

Nadoni hamunaukumu wakati ukanava, do Umu akanava kwida. Nae andavika palangele vilipiídye mushii na kulyumilidya ngala makumbukililo ammitima. Bai apo kula munu andapata lutumbyango lwake kwa Nnungu.

II Vakolintu 5:10

Mwaa wetu uti indituvaikila twimile palibengi lyaukumu lyake Klistu pakulota kula munu apate kulingana na shimadengo ashilá shatandile mumili, kwali shambone kwali shakunyata.

I Timoti 4:14

Haunaleke kunyenje shajo shavakupele wako kwaindila yakulava pavakuvikidile makono pankodyanio wavanang'olo.

I Timoti 5:24

Madambi avanu vanji ankwaneka ngala alangalalela muukumu kanji avanu vanji aatika kunyuma.

I Patulu 4:10

Kwodananavo shajo shapatile kula munu, inimmaikila mutumile kwakutumikana kenga wavankamudidye mmambone mmaumonyo wake Nnungu ulilódya mudinamuna dyakuvilingananga.

I Patulu 4:5

Kanji vanavo vandaitikanga kumwe aijá áve tayali kuvaukumu vangumi na vapadíle.

Maono 20:12

Namomo ndívona vapadíle vadyoko na vanang'olo vàimilenge mushu shiteng'u, popo po mabuku andyúnguligwa. Lindyúnguligwa libuku linji, yani lyashingumi. Vapadíle vo vandyúkumigwa kulingana na avilá vyandikígwe mmabuku kula munu na vitendo vyake.