Lukashi 15:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ “Kwali nkongwe shani ávenavo dishingo kumi álota kutenda ikanjaika imo mene kukaledya itaa kutwala shipyai kupyaila uti nng'ande alambela shanashana mpaka kwona?

Lukashi 15:8 ပူးပေါင်းရင်းမြစ်များ

Mateu 5:15

Namomo hapali ánakaledya itaa kuvika nshilongo ila vavika pashinu pakwaneka pakulota ivamulikile vanu uti vapagwíte nng'ande amo.

Lukashi 15:7

Kulandana na shitendo asho ninkumwaulila doni, kuwa lindapagwa lipuwilo lyoe mwaa wankútega jumo álijugulanga madambi ake kuliko vaishaliya tisini na tisa vákalota kulijugulanga.

Lukashi 15:9

Akona, andavashema vabwadivake vakongwe na vanu vavandikanengenavo kutwala kushidoni, ‘Puwanga namu nangu mwaa ishingo yangu ingujaíke, ndilakota.’

Lukashi 19:10

Mwaa Mwana Wamunu aidilé ndavalambela na ndavaposha vajaíke.”

Nshuwau 10:16

Ninkuvanavo vangandolo vanji vákavele vamulingongo ali; vovo vo ininguvaikila ndivatwale, vanavo lidi lyangu vandaigwa, vandapagwa shipinga shimo na nkúshunga jumo.

Nshuwau 11:52

na ata i gweka venentete avo, namomo kwamwaa wavana va Nnungu vamwadilikanénge pakulota vanavo, nae avaunganiange vave shipinga shimo.

Vitendo 19:19

Namomo vanu vanji váshitumila vitendo vyashaviavi, vandíkushania mabuku ave ashaviavi kutwala kushashola moto paumbala wavanu. Mabuku alo vakalalyange njuluku wake, undítimila shikonda shadimiliyoni dyoe namene.

Vaepeshu 2:17

Nae aidilé ndavalanganga amani kwenu mwenu mwe muvéle kushu na amani kwa avalá ve vavéle pepi;