Lukashi 15:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Nae kumuukila munu jumo mwene shilambo asho; munu ajo kumwaulila ndyoko jo auke akanshungile dinguluve dyake kwilanga.

Lukashi 15:15 ပူးပေါင်းရင်းမြစ်များ

Mateu 7:6

“Hamunavape vang'avanga vinu vyakwilimyanga na ata hamunavape vanguluve majanga amali. Vovo vo vankuulula kuluvatanga kutwala kumuujila mwemwe mmene kunshapwalanga.

Lukashi 15:13

Akapite maduva padyoko, ndyoko aju kukunga vyake uti kuma kuka kushilambo shakushu namene. Koko ko, nae andíjanga vinu uti vyavénavo mushinamilo shaupuju.

Lukashi 15:14

Akajange uti vyavénavo, mushilambo asho kuumilila indala ing'umene namene, ndyoko kutunduvanga kuvauvanga.

Lukashi 15:16

Ndyoko aju ashindavanavo malotelo akulya shakulya shakukalala shavashilya vanguluve kwilanga kanji hashuluula na yadavo hapali munu áshimwing'a shinu shoeshoe.

Valoma 6:22

Kanji napane mwenu múukile ndaombolegwa mulidambi na kutandegwa mmatumwa vake Nnungu, vyepo vyamupata vyo vinkumuukanavo kukwilimyanga na kumwisho kwake ko, shingumi shíkamalilika.

Titu 3:3

Mwaa ata nawetu kala po, tuvele tuvanu túkave ding'ano na túkaigwilila vatwashadyenge tuva tuvatumwa kwavinu vyakula inamuna na ditamaa, shingumi shetu tunama mushishimwashimwa na mwing'ou, tuvangadika na tuvangadyania.