Lukashi 12:32 - Ibibiliya mu Shimakonde Imbodi Yaambi na dimbande dya Imbodi Yakala

³² “Hamunajope mwenu mmakwoda vangu mwaa Tatagwetu ininnagwela kumupa utawala wake.

Lukashi 12:32 ပူးပေါင်းရင်းမြစ်များ

Mateu 14:27

Yesu kutangalenneu kushidoni, “Lyunge ntima! Ni nangu apa. Hamunajope.”

Mateu 20:16

Nadoni vamwisho vandava vatandi na vatandi vandava vamwisho.”

Mateu 25:34

Napane jo Umu jo andavaulila avalá vakunkanakono kwake kushidoni, ‘Idananga mwenu mwalaligwe namu atata! Pwashalela utawala wavankandyangididye tangu kukandyangigwa kwashilambo.

Mateu 7:15

“Lishunge kwavakulava vakushang'apa. Vanavo vankumwidila mwenu vàgwalenge magwogwe adingandolo kanji mmitima myave vàvele mavinji akukalipa.

Lukashi 10:21

Muwakati wowo, Yesu andípuwanga namene kwaindila ya Imumu Wanashwe kutwala kushidoni, “Ninkukulambwalela Atata, Umu wakuwa na pai úpiidye vinu kwavanu vakumanya na vamang'amung'amu kutwala kuvalodya vanu vila. Ninkukulambwalela mwaa wako Atata utandalelé mwaulotalele.

Nshuwau 18:36

Yesu kushidoni, “Utawala wangu haunava shinu washilambo ashi. Leka ùvele washilambo ashi, vatumika vangu vakanditenda ing'ondo vangushililidya pakulota nangu hangunakamuligwe na vayuda. Kanji napanelo utawala wangu haunava shinu washilambo ashi.”

Vitendo 20:28

Nadoni lishunge mwemwe mmene na shunga shipinga shavangandolo uti shankamudidye Imumu Wanashwe muve mmakulaledya vake kwambangidya mushunge liganisha lya Nnungu lyapatile kwaindila yamyadi vyake jo mwene.

Vitendo 20:29

Nangu ndimanya shana doni, ling'oto lyakuma nangu andaumilila mavinji akujowa pakati penu pavakapambedya likundi lyavangandolo.

Valoma 6:23

Mwaa nshala walidambi ni kupela kanji inudyo ya Nnungu ni shingumi shíkamalilika nkati mumwe Klistu Yesu Umu wetu.

I Vakolintu 1:21

Doni, kutunduvangila mo mulimanyilo lyake Nnungu shilambo hashuukile nammanya Nnungu kwaindila yalimanyilo, inínnagwela Nnungu kwaindila yaujinga aulá watuvalanganga wetu kuvaambola avalá vakulupidíle.

Vapilipo 2:13

mwaa Nnungu ni ákola madengo nkati mwenu pakulota mwenu mulote na mutandedye kwodananavo amulá munnagwéla nae.

II Vateshalonika 1:11

Kwaing'ano ai tunkunshwalidya mwenu ngwengwe kwambangidya Nnungu wetu antadye mwenu muve mmakuvaikila mukushema kwake na muwishe popo kwadimongo dyake malotelo uti auwambone na kula shimadengo shalikulupililo

II Vateshalonika 1:5

Avi uti ni kulodya ngala shaliya yaukumu yake Nnungu kwambangidya mwenu muvalangiligwe kuva mmakuvaikila muutawala wa Nnungu, wo wamuvauvangila wo,

Vabalaniya 12:28

Napavedoni pakuva tunkupata utawala úkaululika kundangandegwa, indituvaikila tulambwalele na tulipudye kwake Nnungu kwainamuna innagwéla, kwaishima na kwakunjopa

Tiyagu 2:5

Igwa mmanung'unumunu mmakunagwaleka, da Nnungu havatandwele vamashikini pamevo pavanu vamushilambo pakulota vave matajili nkati mulikulupililo na vapate maleko autawala walivikidile nae kwa avalá vannagwalédya?

II Patulu 1:11

Mwaa kwainamuna ai mwenu mundapata aki yakwinjila kwabila kundingadinga shoeshoe muutawala úkamalilika umwe Umu wetu na Mwamboli Yesu Klistu.

Maono 1:6

jojo jo kutwala kututenda kuva utawala, vakulangalalela-shadaka kwa Nnungu wake, jo Tatamunu. Kwake nae lipagwe lishangelo na lyululilo ngwengwe ngwengwe! Ame.

Maono 22:5

Shilo hashipagwa kavili: vanavo lilangadyo lyadikalaboi kwali lyaliduva nkati mo, havapali mwaa Umu Nnungu andavalangadya; vovo vo, vandatawala ngwengwe ngwengwe.