Lukashi 11:39 - Ibibiliya mu Shimakonde Imbodi Yaambi na dimbande dya Imbodi Yakala

³⁹ Kanji Umu kushidoni, “Mwenu mmapalishayo muukanga diwene na midamu panda gweka kanji nkati mo mundyumbalanga kushonda na ukalau.

Lukashi 11:39 ပူးပေါင်းရင်းမြစ်များ

Mateu 15:19

Muntima mwamunu munkuma makumbukililo akunyata, kubyaa, kunama nankongwe waukannambile, kulavalava, kwiva, ushuda waushwang'a na kukupulu.

Mateu 7:15

“Lishunge kwavakulava vakushang'apa. Vanavo vankumwidila mwenu vàgwalenge magwogwe adingandolo kanji mmitima myave vàvele mavinji akukalipa.

Lukashi 16:15

Yesu kutwala kushidoni, “Mwenu ni mmanu múlivika kuva vaishaliya kwavanu kanji Nnungu andimanya mitima vyenu. Vinu vyavona vanu kuva vyamana, Nnungu pake po ona kuva vyakudabukanga.

Lukashi 7:13

Umu akamwone namwili jo andímwanangila shididi kutwala kushidoni, “Haunalile.”

Lukashi 7:19

Nshuwau akaigwe, andívashema vakwoda vake vavili kuvatuma kumwe Umu vakamudye doni, “Da wako ni gwegwe watukulindila kwida kwali tunnindile junji?”

Nshuwau 12:6

Nae andítangola davo i kwamwaa wakuvatanana vamashikini kanji mwaa wakuva nkwíva. Lipeta lyanjuluku lishiikala namu nae; njuluku úshiinjila amo, nae ashindadadamola.

Nshuwau 13:2

Napane valya shakulya shalyulo, Ndamoni àvikile muntima umwe Yudashi mwanagwe Simoni Shikaliyote shabaa yakunnimya

Vitendo 5:3

Patulu kutwala kumudya, “Ananiya, mwaa shani uninneka Shatwani akuumbala muntima ata mpaka kunshang'apila Imumu Wanashwe na kutitikulila njuluku unji walishamba lyaushumididye?

Vagalata 1:14

Nangu mwidini yashiyuda mo, ngushindavapunda vavangu vaulinga wangu nguvikila namene dukuduku dijadi dyavanyakala vetu.

II Timoti 3:5

vavanavo ding'ope dyakunjopa Nnungu kanji akuno vaita dimongo dyake. Vanu avo, aapukananganavo.

Titu 1:15

Kwa avalá vákave udagwa, uti havive udagwa kanji kwa avalá vadagwa na vákakulupila, hashipali shíkave udagwa; ata ding'anong'ano dyave kwali makumbukililo ave amuntima, uti andyambukishigwa.

Tiyagu 4:8

mmandike Nnungu, nanae momo anammandika! Tadya makono enu atakate mwenu mmakutega, mwemwe múvenavo makumbukililo auju kuvili, ushanianga ushapu mmitima vyenu.