Lukashi 10:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ valwele vaponie na muvaulile vanu doni, ‘Utawala wa Nnungu undimwikila.’

Lukashi 10:9 ပူးပေါင်းရင်းမြစ်များ

Mateu 3:2

aashidoni, “Lijugulange mwaa utawala wakuwa undivandika.”

Mateu 4:17

Napanelo kutunduvangila muwakati wowo wo, Yesu andítunduvanga kulaililila aashidoni, “Lijugulange mwaa utawala wakuwa undivandika.”

Malukushi 4:30

Kutwala kavili kushidoni, “Utawala wa Nnungu tulandaniange na nyamani kwali tutumile nkong'o shani pakulota tuvalangange shana?

Malukushi 6:13

Majini oe vashindakumulanga na valwele voe vashindavapaka mauta kutwala valwele vo vashindavaponia.

Lukashi 10:10

Kanji pamuwika palikaja vanavo vaita kumpwashalela, wena mudyengo muushidoni,

Lukashi 10:11

‘Litutunga lyankaja amu litunamatidíle mmadodo ali, tunkumpumunila mmene. Ikala mumanya doni, utawala wa Nnungu undiwika.’

Lukashi 9:2

kutwala kuvatuma vauke vavalanganga ntenga wautawala wa Nnungu na vaponia vilwele.

Nshuwau 3:3

Yesu akanjang'ula kushidoni, “Ninkukwaulila mwiu mwiu, munu akanavalekwa kwakuwa haulula shinu kwona utawala wa Nnungu.”

Nshuwau 3:5

Yesu kunjang'ula, “Ninkukwaulila mwiu mwiu, munu akanavalekwa kwamedi na Imumu haulula kwinjila muutawala wa Nnungu.

Vitendo 28:28

Paulu kavili kushidoni, “Ikala mumanya doni ntenga au wakwambola wake Nnungu undipalakalegwa kwavamidi na vanavo vandaigwilila.”

Vitendo 28:31

avalanganga utawala wa Nnungu na apundisha uti vimwámba Umu Yesu Klistu kwantima shii uti na kwabila kundingadinga shinu.