Lukashi 10:42 - Ibibiliya mu Shimakonde Imbodi Yaambi na dimbande dya Imbodi Yakala

⁴² kanji shilatégwa ni shinu shimo. Ni Maliya átandwele shinu asho shambone, hayululika kumpoka.”

Lukashi 10:42 ပူးပေါင်းရင်းမြစ်များ

Malukushi 8:36

Da munu alota kupata wambone shani akapata shilambo uti kutwala kukatoka shingumi shake?

Lukashi 10:39

Jo Malita aju, andívanavo nung'une wavashinshema Maliya. Nae andíikala pepi na pamadodo amwe Umu amwigwilila shashitangola.

Lukashi 11:1

Napanelo Yesu àpagwite mulyutu limo ashwali; painwike, nkwóda wake jumo andímwaulila kushidoni, “Nang'olo, tupundisha kushwali kenga mwavapundishididye Nshuwau vakwoda vake mo.”

Lukashi 12:20

Kanji Nnungu kushidoni, ‘Wako undipungukanga! Shilo sho shanelo ashi ndakupoka ungumi wako! Panikupoka po, kushi vinu vyaukandyenge vyo, vyanyamani?’

Lukashi 12:33

Shulushanga uti vyamuvenavo njuluku wo, muvape vamashikini! Likandyangidye mapeta ákapapukanga na mali ákapunguka kuwa; kwanavo nkwíva hanapita na ushwa haupali.

Lukashi 16:2

Nae kunshema wankamudidye aijá kumudya, ‘Da vyandikwigwanga avi kushidashi? Ngupa ishabu yakushunga kwako mwaa wako hauva shinu kavili wakukamulila vyangu.’

Lukashi 16:25

Kanji Abulaamu kushidoni, ‘Mwanangu, kumbukila mushingumi shako undipata vinu vyambone kenga momo Lashalu mushingumi shake kupata vyakunyata. Ambi apa Lashalu ankupagwa mukupambadyangigwa, wako kupagwa mumauvilo.

Lukashi 18:22

Yesu paigwite malove alo andímwaulila doni, “Shindikwijalila shinu shimo. Shulusha vyauvenavo uti, njuluku wo uvajavile vamashikini; undavanavo mali kuwa na wide ungwode.”

Lukashi 8:18

Igwilila shana vyanimwaulila mwaa munu ávenavo, Nnungu andamwanjadyedya na aijá ákavenavo, sho padyoko shalyona kuvanavo sho, Nnungu anampoka.”

Nshuwau 11:1

Napanelo andípagwa munu jumo Lashalu áshipagwa mushilwele wapalikaja lya Betaniya, likaja lyolyo lyashinama Maliya na nkulumunu Malita.

Nshuwau 11:19

Napavedoni vanu voe pakati pavayuda vandyúka nannidya Malita namu Maliya kwamwaa wanumbugwave.

Nshuwau 12:3

Napanelo Maliya andítwala ishupa yamauta akunung'angila ambone-uti aúka njuluku woe kumpaka mmadodo mwake Yesu, kupukutanga mmadodo mo atumila ugwimbu wake. Kunung'angila kwamauta alo, kundyánela uti nng'ande mo.

Nshuwau 17:3

Shingumi shíkamalilika sho ni ashi, vakumanye wako kuva Nnungu wiu úvele jumo jojo na vammanye aijá wauntumididye, Yesu Klistu.

Nshuwau 4:14

kanji aijá álota kukumbila medi angulota kumupa nangu mwiko hainkola shinu kavili inyota. Medi angulota kumupa nangu lo andatadya nkati mwake mupandukange libububu lyamedi akumukanga auka kushingumi shíkamalilika.”

Nshuwau 5:24

“Nangu ninkumwaulila mwiu mwiu doni, aijá áigwilila lilove lyangu na kunkulupila aijá ángutumididye, ankuvanavo shingumi shíkamalilika. Munu aju hanaukumigwa shinu, tayali vandimumya mukupela kummika mushingumi.

Nshuwau 6:27

Hamunakole madengo kwamwaa washakulya shúnda kanji kola kwamwaa washakulya shipágwa mukwing'a shingumi shíkamalilika. Shakulya asho Mwana Wamunu andamupa mwaa jojo jo, Nnungu Atata anintaa namakong'o.”

I Vakolintu 13:3

Ndikaumya uti vyanguvenavo na ndikajaula mili wangu pakulota vatae moto kanji ndikanavanavo linagwaledyo, hashipali shangupata.

Vagalata 5:6

Mwaa nkati mumwe Klistu Yesu, kukumuligwa likumbi kwali mene, hakuve mana ila livé na mana ni likulupililo lililódya mulinagwaledyo.