Lukashi 10:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ “Munu ámwigwilila mwenu angwigwilila nangu, ámwita mwenu angwita nangu na ángwita nangu, amwita aijá ángutumididye.”

Lukashi 10:16 ပူးပေါင်းရင်းမြစ်များ

Mateu 10:40

“Ámpwashalela mwenu, angupwashalela nangu na ángupwashalela nangu, ampwashalela aijá ángutumididye.

Mateu 18:5

Woewoe álota kumpwashalela ndyoko ndikidiki kenga aju palina lyangu munu ajo angupwashalela nangu.

Malukushi 9:37

“Munu woewoe ámpwashalela mwana ndikidiki kenga aju palina lyangu nangu, angupwashalela nangu; woewoe ángupwashalela nangu i do angupwashalela nangu gweka, ankumpwashalela momo aijá ángutumididye.”

Lukashi 9:48

kutwala kuvaulila kushidoni, “Woewoe álota kumpwashalela ndyoko kenga aju palina lyangu, angupwashalela nangu na woewoe álota kungupwashalela nangu, ampwashalela aijá ángutumididye. Jo álota kuva ndyoko pakati penu mwenu uti, bai jojo andava nang'olo.”

Nshuwau 12:44

Napanelo Yesu andítangola pashanya po aashidoni, “Aijá ángukulupila nangu, hanangukulupila shinu nangu, ankunkulupila aijá ángutumididye.

Nshuwau 12:48

Munu ángwita nangu na mene kwitikila malove angu, apali wakumuukumu. Lyo lyene lilove lyanguvalanganga ni lilóta kumuukumu muliduva lyamwisho.

Nshuwau 13:20

Ninkumwaulila mwiu mwiu doni, álota kumpwashalela aijá wanintumidya nangu, angupwashalela nangu na aijá ángupwashalela nangu, ampwashalela aijá ángutumididye.”

Vitendo 5:4

Lishamba lyo ukanava kushumidya livele lyako na ata paushumididye apa njuluku wo mwiu wàko wakulota wako kutumila mwaulatela umwene. Kanji mwaa shani unditunga ding'ano adi muntima mwako? Bai manya kenga haunduwenge munu, unduwengé Nnungu.”

Vagalata 4:14

na ata ikava kenga mili wangu wo uníntadya mwenu mulingigwe, hamungwiludyenge na ata hamungwitile. Mulakilé yakungwiludyanga kutwala kungupwashalela kenga njelo wa Nnungu kwali kenga jo mwene Klistu Yesu.

I Vateshalonika 4:8

Napavedoni aijá áita avi, hanamwita munu kanji Nnungu ámupa Imumu wake Wanashwe.