Lukashi 1:35 - Ibibiliya mu Shimakonde Imbodi Yaambi na dimbande dya Imbodi Yakala

³⁵ Njelo do, “Andakushulukila Imumu Wanashwe na dimongo dyake Wapashanya-uti dindakwinikidya. Nadoni jo mwana waulota kummaleka jo, vananshema Wakwilimyanga, Mwana wa Nnungu.

Lukashi 1:35 ပူးပေါင်းရင်းမြစ်များ

Mateu 1:18

Napanelo Yesu Klistu aju, kuvalekwa kwake kuvele doni. Jujumunu Maliya wantamadíle Yoshe pakulota kunnomba kanji vakanava kulambana, Maliya andíimita kwaindila ya Imumu Wanashwe.

Mateu 1:20

Akuno apanga nnugu wake au, njelo wake Umu andímwidila mwindoti ndamwaulila kushidoni, “Yoshe ndukulugwe Daudi, haunajope yakumpwashalela Maliya kuva ndyavo mwaa nae andiimita kwaindila ya Imumu Wanashwe.

Mateu 14:33

Bai vanu ve vavéle mwingalava amulá vandilipudya kumwe Yesu vaashidoni, “Mwiu, wako umwanagwe Nnungu.”

Mateu 27:54

Napane nang'olo wavaing'ondo pamo na avalá vavénavo váshinshunga Yesu, pavagwene shilambo shindangenda na vinu vinji víshitandeka, vanavo kujopa kutwala kushidoni, “Munu aju mwiu avele mwanagwe Nnungu.”

Mateu 4:3

Bai nkútubya andímwidila ndamwaulila, “Wako ukava umwanagwe Nnungu, lamulila majanga ala ajalukange ave magung'u!”

Malukushi 1:1

Shitunduvangilo shantenga wambone ummalangánga Yesu Klistu Mwana wa Nnungu.

Malukushi 1:24

“Wako Yesu wa ku Nashaleti, da wetu namu wako shako nyamani? Widilé ndatumalidya? Nangu ndikumanya, wako ni wakwilimyanga wake Nnungu.”

Lukashi 1:27

kwamwali jumo ntete we wantamadíle nnemba jumo kunnomba walina Yoshe walikola limwe Daudi. Mwali aju vashinshema Maliya.

Lukashi 1:34

Maliya kunjang'ula njelo jo doni, “Da shinu ashi shilota kuvalela mwashi nangu nikanava kummanya nnume?”

Lukashi 1:36

Lola! Ata jo nkuluvo Lishabeti àkangapele avi, andiimita shitumbo shamwana nnume. Jo wavashinshema ákavaleka jo, ambi apa ankuvanavo shitumbo shamyedi avi, sita.

Nshuwau 1:34

Nangu ndimwona na ninkumya ushuda, aju ni Mwana wa Nnungu.”

Nshuwau 1:49

Nataniyele kunjang'ula, “Labi, wako Mwana wa Nnungu, kwavanaishilaeli wako ni umu.”

Nshuwau 20:31

Avi vindyandikigwa pakulota mwenu mukulupile doni, Yesu ni Klistu Mwanagwe Nnungu na kwakunkulupila, mupate shingumi palina lyake.

Vitendo 8:36

Vauka mushu na shimwanda shave, vandíwika pashinu pavéle medi kutwala mwitiyope kumwaulila Pilipo doni, “Wako, medi ala apa. Da shipali shinu shingudingadínga shakungutadya napate ubatisho?”

Valoma 1:4

na kwakwodananavo Imumu waukwilimyanga ápangigwidye kuva Mwana wa Nnungu nkati mudimongo kwaindila yakudyuka pakati pavakupela, Yesu Klistu Umu wetu.

Vagalata 2:20

Ninkunama kanji i nangu ila Klistu ni anama nkati mwangu. Shingumi shanguvenavo mumili ambi apa, ninkunama kwakunkulupila Mwana wa Nnungu ángunagwaladidye na álijawile kwamwaa wangu nangu.

Vaepeshu 2:3

Pakati pave nawetu momo tushindalilangalalela kwamalotelo ashimunumunu, tutandedya malotelo amili na anding'anong'ano. Nadoni kenga vanji uti, nawetu momo kwashimunumunu tundípagwa mushitundi shake Nnungu.

Vabalaniya 4:15

Mwaa nkúlangalalela-shadaka nkumene watuvenavo ankuulula kutwanangila shididi mukudabadabanga kwetu. Kanji leka apo, munu kenga wetu nae andyuvauvanga dinamuna uti dyakutubigwa kwabila kutenda shimadambi.