Lukashi 1:32 - Ibibiliya mu Shimakonde Imbodi Yaambi na dimbande dya Imbodi Yakala

³² Jojo jo andava nang'olo. Vananshema mwanagwe Wapashanya-uti. Mwana ajo, Umu Nnungu anantakatuwidya shiumu shanakulumunu Daudi.

Lukashi 1:32 ပူးပေါင်းရင်းမြစ်များ

Mateu 1:1

Ali ni lishauma lyamaimyo lyavanakuluvake Yesu Klistu ndukulugwe Daudi na jojo ndukulugwe Abulaamu.

Mateu 12:42

Namomo paukumu andatakatuka umu nkongwe wakwina shilambo kwimila pakati pavanu vaimbula ai kuvaukumu. Nae pakulota kwigwilila limanyilo lyake Shalomoni, aaleké kumwisho shilambo. Mwenu! Apa apali nang'olo kuliko Shalomoni.

Mateu 28:18

Yesu kutwala kuvavandika kuvaulila kushidoni, “Vaningukamudya madalaka uti kuwa na pai.

Mateu 3:11

“Nangu mwenu apa, ninkumbatisha na medi kulodya kulijugulanga. Napane ling'oto lyangu nangu ankwida munu wadimongo kungupunda nangu wandikavaidile nangu kumuulanga vilatu vyake. Nae mwenu po, anambatisha na Imumu Wanashwe na moto.

Malukushi 14:61

Nae kumalala. Halipali lilove ata limo lyajang'wíle kutwala nkúlangalalela nkumene kumudya kavili, “Da wako Klistu, aijá Mwanagwe Wakwalaligwa?”

Malukushi 5:7

kutwala kutangola pashanya po aashidoni, “Wako Yesu mwanagwe Nnungu Wapashanya-uti, da wako namu nangu shako nyamani? Ninkukujugwa pamevo a Nnungu, haunangupe shaushanga.”

Lukashi 1:15

mwaa jojo jo, Umu anankulupila namene. Nae hakumbila shinu ugwalwa wakuma muvyepo na ata shinu shoeshoe shakwambalwisha. Imumu Wanashwe andapagwa namu nae kutunduvangila ata mo mmunda mwanyoke.

Lukashi 1:35

Njelo do, “Andakushulukila Imumu Wanashwe na dimongo dyake Wapashanya-uti dindakwinikidya. Nadoni jo mwana waulota kummaleka jo, vananshema Wakwilimyanga, Mwana wa Nnungu.

Lukashi 1:76

Napanelo unnemba wako undashamegwa unkúlava wake Wapashanya-uti mwaa undalangalela upita unkandyangidya Umu dindila dyake.

Lukashi 3:16

kutwala nae kuviigwiniya kushidoni, “Nangu ninkumwing'a mwenu ubatisho ngutumila medi kanji aijá áida kunyuma kwangu; nae avelé na dimongo kungupunda nangu wandikavaidile nangu kumuungulanga vilatu vyake. Jojo jo andamwing'a mwenu ubatisho wa Imumu Wanashwe pamo na moto.

Lukashi 6:35

Bai vanagwaledye vamongo venu, tandedya wambone, kapesha pamukalindila kupata shinu shoeshoe. Mukatenda doni, inudyo yenu indava ikumene na mwiu mundava mmanavake Wapashanya-uti. Mwaa nae andávatanana vakanalambwalela na vakalau.

Nshuwau 12:34

Imbumba kutwala kujang'ula, “Lilamulo linkutupundisha kenga, ‘Klistu ngwengwe andanama,’ napane utangola dashi, ‘Mwana Wamunu inimmaikila vannyanyule’? Da ‘Mwana Wamunu jo’ ni wakwashi?”

Nshuwau 6:69

Wetu tundikulupila na tundimanya kenga wako ni Wakwilimyanga wake Nnungu.”

Vitendo 16:17

Nae amwoda Paulu namu wetu ashindakugwanga pashanya po aashidoni, “Vanu ava ni vatumika vake Nnungu Wapashanya-uti; vankummalangangila indila yakwambola.”

Vitendo 2:30

Napane jo Daudi jo, avele nkúlava na amanya doni Nnungu andilivikila kwakulilapa kenga jumo wamuudukulu wake andadiva pashiumu shake,

Vitendo 2:36

Napanelo mmaishilaeli uti ikala mumanya shalowa doni, Yesu jo, jo wamunkamadile panshalaba jo, Nnungu anintenda kuva Umu na kuva Klistu.”

Vitendo 7:48

Kanji napane, Nnungu Wapashanya-uti hanaikala muding'ande dyavadangile vanu kenga mwatangaladile nkúlava,

Valoma 1:4

na kwakwodananavo Imumu waukwilimyanga ápangigwidye kuva Mwana wa Nnungu nkati mudimongo kwaindila yakudyuka pakati pavakupela, Yesu Klistu Umu wetu.

Maono 3:7

“Njelo waliganisha lya ku Piladelipiya mwandikile, ‘Ala ni malove amwe aijá Wakwilimyanga na Waumwiu, ávenavo myungulilo vimwe Daudi. Shaungula nae, hapali wakunga na shaungile nae, hapali wakuungula: