Lukashi 1:19 - Ibibiliya mu Shimakonde Imbodi Yaambi na dimbande dya Imbodi Yakala

¹⁹ Njelo kushidoni, “Wako! Nangu Gabuliyeli ngúpagwa pamo na Nnungu, unkwigwa? Nditumigwa ngwide ngutangole namu wako ndikuvalangangila ntenga wambone vila au.

Lukashi 1:19 ပူးပေါင်းရင်းမြစ်များ

Mateu 18:10

“Lilaledye kwambangidya hamunamwiludyange ata ndyoko jumo pakati pavadyoko ava! Nangu ninkumwaulila doni, vanjelo vave kuwa ko, ngwengwe vankwonana namu Atata ávele kuwa.

Lukashi 1:20

Bai hautangola, undava ububu mpaka muliduva lyavilota kutandeka vinu avi mwaa haukulupidile vinu vyanguvalenge vilóta kutandeka muwakati uvaikidíle.”

Lukashi 1:26

Napanelo vikapite myedi sita, njelo Gabuliyeli Nnungu kuntuma auke kunjini umo wa ku Galileya wavashishema Nashaleti

Lukashi 2:10

Kanji njelo kushidoni, “Mwenu, hamunajope! Ngwigwa, nangu ngwidinavo ntenga wambone vila au ulóta kwidanavo lipuwilo likumene kwavenentete ava uti.

Lukashi 21:36

Ngwengwe muve mevo mujugwa mupate dimongo kwambangidya vilóta kutandeka vyo vinkowe na mwimile bila kujagajega pamevo pake Mwana Wamunu.”

Vabalaniya 4:14

Napavedoni pakuva tunkuvanavo nkúlangalalela-shadaka nkumene-uti áinjidile kuwa, Yesu Mwana wake Nnungu, indituvaikila tunanope mu ashilá shatulyaula.