Lukashi 1:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Kanji njelo andímwaulila kushidoni, “Shakaliya, haunajope! Myembe vyako vindiigwinika. Napavedoni jo ndyavo Lishabeti jo, anammaleka mwana nnume na wako unanshema lina lya Nshuwau.

Lukashi 1:13 ပူးပေါင်းရင်းမြစ်များ

Mateu 1:21

Nae anammaleka mwana nnume na wako undamupa lina lya Yesu mwaa alota kuvaposha venentete vake kwamadambi ave.”

Mateu 14:27

Yesu kutangalenneu kushidoni, “Lyunge ntima! Ni nangu apa. Hamunajope.”

Mateu 28:5

Napane njelo jo kuvaulila vakongwe vo kushidoni, “Hamunajope! Nangu ndimanya kenga mwenu munnambela Yesu wavankamadile panshalaba.

Malukushi 16:6

Nnemba jo kushidoni, “Hamunajope! Mwenu munnambela Yesu wa ku Nashaleti wavankamadile panshalaba. Nae andidyuka, apa hapali. Lola palyutu lyavannadídye.

Lukashi 1:14

Wako indakunagwela namene na undapuwanga namomo vanu voe vandapuwanga pakuvalekwa mwana ajo

Lukashi 1:30

Kanji njelo kushidoni, “Maliya, haunajope! Wako Nnungu andikutanana.

Lukashi 2:21

Paliwikile liduva lyanane, liduva lyakunkumula mwana vanavo vandímupa lina lya Yesu, lina lyampéle njelo wa Nnungu anyoke akanava kunnyakulila.

Vitendo 10:31

kutwala kushidoni, ‘Koluneli, kushwali kwako ngwengwe Nnungu ankwigwa na lipwashalelo lyako lyaunaumya uvapa vamashikini hanalivaliva shinu.