I Vateshalonika 5:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Napavedoni hatunalale kenga vanji kanji tuve mevo na tuvakulipanga

I Vateshalonika 5:6 ပူးပေါင်းရင်းမြစ်များ

Mateu 13:25

Napane shilo vanu vàlalenge lwono, mmongo kwida ndapanda imbeju yanashitani mo mmapondo angano kutwala kulyukila.

Mateu 24:42

Napavedoni ava mevo mwaa hamumanyite liduva lyalota kwida Umu wenu.

Mateu 25:13

Napavedoni ava mevo mwaa liduva lyene lyo na isaa, hamumanyite.

Mateu 25:5

Bai nkúlomba patimile kuwika, uti vali vo vandíindila mpaka kuukila mulwono.

Mateu 26:38

kutwala kushidoni, “Ungumi wangu unkuvanavo shipalodi shakutadya kupela. Mwenu ikalanga popo apa, mupimile namu nangu.”

Malukushi 13:37

Vyanimwaulila mwenu avi, ninkuvaulila vanu uti kushidoni, ava mevo!”

Lukashi 12:37

Vandijaligwa vatumika avo valóta kuvakodya nang'olo wave vàvele mevo pauja. Nangu ninkumwaulila mwiu doni, nae andagwalangila pakulota avatumike kutwala kuvaikadyanga pandamu kwida ndavatumika.

Lukashi 12:39

Manya doni, tatamunu mwene ing'ande leka àmanyite wakati walota kwida nkwíva, akananneke nkwíva ajo atema ing'ande.

Lukashi 21:36

Ngwengwe muve mevo mujugwa mupate dimongo kwambangidya vilóta kutandeka vyo vinkowe na mwimile bila kujagajega pamevo pake Mwana Wamunu.”

Lukashi 22:46

kutwala nae kuvaudya, “Mwaa shani mundilalanga? Takatukanga mushwali pakulota hamunainjile mukutubigwa.”

Vitendo 20:31

Napavedoni lilaledye mukumbukila doni, nangu muvyaka vitatu shilo na mui hangulakadile kunyuma kunnangalalela kula munu pakati penu ngulilidyanga.

I Vakolintu 15:34

Ujila kuding'anong'ano dyenu, nama kwaishaliya na leka kutega mwaa vanji havammanyite Nnungu ata padyoko vela. Ninkutangola avi kwadyoni dyenu.

I Vakolintu 16:13

Ava mevo, nanopa mulikulupililo, ava mmakulishiya na mmadimongo.

Vaepeshu 2:3

Pakati pave nawetu momo tushindalilangalalela kwamalotelo ashimunumunu, tutandedya malotelo amili na anding'anong'ano. Nadoni kenga vanji uti, nawetu momo kwashimunumunu tundípagwa mushitundi shake Nnungu.

Vaepeshu 5:14

mwaa uti avilá vyúka ndatadya vyaneke ni lilangadyo. Ni ashi shitádya itangaleke doni, “Imuka wako úlala, takatuka pakati pavakupela na Klistu andakumulikila.”

Vaepeshu 6:18

Kwakula inamuna yakushwali na kujugwa, shwali kula wakati mu Imumu. Kwadoni, ava mevo mulipililila uti mushwali muvajugwila vakwilimyanga uti

Vapilipo 4:5

Wambone wenu umanyike kwavanu uti. Umu avé pepi.

Vakoloshu 4:2

Wena mushu munanopa mukushwali, muva mevo nkati mwake na mulambwalela,

I Vateshalonika 4:13

Napanelo hatunalota shinu mutikinange mmanung'unumunu kwamwaa wa avalá valéle kwambangidya hamunavenavo shipalodi kenga avalá vanji vákave lilindilililo.

I Vateshalonika 5:10

ápadile kwamwaa wetu kwambangidya ata tukava mevo kwali tukalala, tuname namu nae.

I Vateshalonika 5:8

Wetu kanji túvele vamui tulipange tùgwete shikopa shalikulupililo na linagwaledyo na kenga shijulu shashitali, lilindilililo lyakwambolegwa.

I Timoti 2:15

Nkongwe jo napane andaambwalegwa avavaleka vana ikava kenga nae andauka mushu mulikulupililo, mulinagwaledyo, mukwilimyanga pamo na kutulila.

I Timoti 2:9

Nimumo momo vakongwe valinemye kwadinguvo dyaishima, kwakutulila na kwakulilaledya i kwakuluka ugwimbu na ata kwashaabu kwali majanga amali kwali dinguvo dyabei

I Timoti 3:11

Nimumo momo vadyavave indivavaikila vave vaishima, vákang'wenya, vapole na vakukulupilika muuti.

I Timoti 3:2

Napavedoni inimmaikila nkúlaledya ave munu ákave makosha, nnume wankongwe jumo, munu mpole, wakulishunga, wakwishimika, wakukalibisha na wakuulula kupundisha

II Timoti 4:5

Kanji napane wako ava umunu wakulilaledya muvinu uti, lipililile mauvilo, kola shimadengo shankúvalanganga ntenga wambone, tandedya utumika wako ukawikile popo.

Titu 2:12

utupundisha kwita ungave Nnungu na malotelo ashimunumunu tuname shinamidyo shading'ano, shaishaliya na shakunjopa Nnungu muwakati au

Titu 2:6

Mumo momo valaililile vanemba pakulota vave vading'ano

I Patulu 1:13

Napavedoni mulingangashela muding'anong'ano dyenu, muva mevo vika lilindilililo lyenu muumonyo aulá wavalota kunyukatila mwenu muwakati walota kulilodya Yesu Klistu.

I Patulu 4:7

Mwenu, mwisho wavinu uti undivandika. Nadoni lipange muding'ano dyenu, namomo ava mevo kwamwaa wakushwali kwenu.

I Patulu 5:8

Ava mevo na lilaledye: mmongo wenu mwenu Ndamoni ankudingukanga kenga ntumi akalamanga annambela wakwashi wakulota kummamane-uti.

Maono 16:15

“Lola, ninkwida kenga ninkwíva! Andyalaligwa aijá álilaledya na ákondya dinguvo dyake kwambangidya hanawene matakudavo na kutaa dyoni paumbala.”

Maono 3:2

Ava mevo! Nonowanga avilá vibakidíle mushingumi vikanava kupalela uti mwaa muvitendo vyako mo, ndilola hashipali shilinganéne pamevo pa Nnungu wangu.