I Vateshalonika 5:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Napanelo mmanung'unumunu ninkunjugwa muvaishimu avalá vakóla madengo pakati penu, vo vannangalaléla nkati mumwe Umu na vandúma.

I Vateshalonika 5:12 ပူးပေါင်းရင်းမြစ်များ

Lukashi 10:7

Hamunapite mutanela ding'ande. Ikalanga paing'ande imo yoyo mulya na mukumbila ashilá shavalota kumupa vene mwaa mmádengo inimmaikila apate nshala.

Nshuwau 4:38

Nangu nintumidya mwenu mukapune shamukaumidile lyuduku; vanji ni vaudukidíle kutwala mwenu kupata paida yalyuduku lyave.”

Vitendo 20:28

Nadoni lishunge mwemwe mmene na shunga shipinga shavangandolo uti shankamudidye Imumu Wanashwe muve mmakulaledya vake kwambangidya mushunge liganisha lya Nnungu lyapatile kwaindila yamyadi vyake jo mwene.

Vitendo 20:35

Kula shinu shangutandile, ninnodya mwenu kenga kwaindila yashimadengo shikumene shatutenda indituvaikila tuvapwashele vákalyulula tukumbukila malove atangwele jo mwene Umu Yesu aashidoni, ‘Wakwalaligwa ni aijá áing'a kuliko ápwashalela.’ ”

Valoma 16:12

Mupe nandele Tilipena namu Tiliposha vakongwe vankaléla Umu madengo. Mupe nandele wakunagwaleka Pelishide ákadile namene madengo nkati mumwe Klistu.

Valoma 16:6

Mupe nandele Maliya ákadile namene madengo kwamwaa wenu.

I Vakolintu 12:28

Ivédoni, muliganisha Nnungu andivavika shitandi vamyombe, shambili vakulava, shantatu vamwalimu kwatika vatandédya vyamakango, vavénavo vyajo vyakuponia, vyakupwashela, vyakulangalalela na vyadinangodi dyakuvilingananga.

I Vakolintu 15:10

Kanji kwaumonyo wake nae nguvelé kenga mo mwanguvalalele na umonyo wake kwangu nangu haunava shinu wabule. Leka apo, nangu nditenda madengo kuvapunda vanavo uti ila hangunava shinu nangu kanji umonyo wake Nnungu uvéle nkati mwangu.

I Vakolintu 16:16

Doni, livike mwina mwavanu kenga ava na kula mmádengomwave ákola shimadengo shakupwateka.

I Vakolintu 16:18

Vanavo vandipambadyanga ntima wangu namomo mitima vyenu. Nadoni vaishimu vanu kenga ava.

I Vakolintu 3:9

Mwaa wetu ni vamadengomwagwe Nnungu, mwenu po lyala lyake Nnungu na ing'ande yake Nnungu.

II Vakolintu 11:23

Da vanavo vo, vatumika vamwe Klistu? Nangu po ndimamodya, ngutangola kenga nimunu wakudulumbuka, mushimadengo shoe, mukungwa myanda vyoe, mukushapigwa viboko myanda vyoe, muvijoidyo vyakulota kupela myanda vyoe.

II Vakolintu 5:9

Nadoni ata ikava kenga tuvelé nng'ande kwali panda, shabaa yetu ni kulota innagwele Umu.

II Vakolintu 6:1

Napane, tukola madengo namu Nnungu tunkunnaililila hamunapwashalele bule umonyo wake Nnungu.

Vagalata 4:11

Ninkunjapangila mwenu, inkulukika shimadengo shaninkalalele mwenu sho, kuva shamonyo.

Vapilipo 2:16

mùkamulidile lilove lyashingumi kwambangidya muliduva limwe Klistu nangu ngulitamange kenga hangutukwite monyo na ata hangukadile shimadengo shamonyo.

Vapilipo 2:19

Ninkulindila nkati mumwe Umu Yesu kenga panikatimangatimanga, nantumidya Timoti kwenu mwenu pakulota nangu nguvenavo ntima shii pangulota kumanya dyabali dyenu.

Vakoloshu 1:29

Kwashabaa ai, ninkukola shimadengo shakupwateka ngulikanyalidya kwodananavo shimadengo shake shikóla namene madengo nkati mwangu na dimongo.

I Vateshalonika 2:9

Takumbukila shana mmanung'unumunu shimadengo shetu shakupwateka na kulikanyalidya kwetu shilo na mui pakulota hatunave ligogo kwamunu woewoe patushimmalangangila ntenga wambone wa Nnungu.

I Vateshalonika 4:1

Kumwisho akuno mmanung'unumunu tunkunjugwa na kunnaililila palina limwe Umu Yesu doni, kulingana kenga mo mwamupwashaladile kwetu wetu amulá muvaikidíle muname na munnagwele Nnungu kenga mwiu mwamutandela, bai wenanavo mushu mutandedya kupunda apo.

I Vateshalonika 5:14

Momo tunkunnaililila mmanung'unumunu, avalá vawondo vadume, vivadidíma mitima vapambadyange, vakudabadabanga vapwashele na ava mmapole kwavanu uti.

I Timoti 5:1

Haunanshulange munu ákupundile shilinga kanji nnaililile kenga tatamunu, vanemba kenga vanung'unumunu,

I Timoti 5:20

Avalá vatéga vashulange paumbala kwambangidya vanji vo, vajope.

II Timoti 2:6

Nkúlima ákola madengo akupwateka inimmaikila ave ntandi mukupagwa mmapuno.

Titu 1:3

napane muwakati uvaikidíle nae andilodya mulilove lyake kwaindila yakuvalanganga lilove, ko kwangukulupilike nangu kwalilamulo lyake Nnungu, Mwamboli wetu,

Titu 1:5

Shitadídye ndikuleke ku Kaleta ni pakulota upangange shana avilá vibakidíle na uvavikange vanang'olo kula likaja kenga mwandikupundishididye.

Titu 2:15

Vinu avi valanganga, laililila, shashulanga kwamadalaka uti; haunanneke munu akwiludyanga.

Vabalaniya 13:17

Vaigwilile vananangalaledi venu, namomo livike mwina mwave mwaa vanavo ni vashúnga ungumi wenu kenga vanu valóta kujang'ulanga pamevo pake Nnungu. Vaigwilile kwambangidya shimadengo shave shive shalipuwilo i kwakung'ung'ulanga mwaa ikava davo, haipagwa paida kwenu.

Vabalaniya 13:7

Vakumbukile vananangalaledi venu vammalangangidíle lilove lya Nnungu, mulaledya namene shana vyepo vyashinamidyo shave mutwale mujedye likulupililo lyave.

Maono 1:20

Shipii shadinondo saba dyaugwene munkono wangu wakunkanakono na shipii shaditaa saba dyashaabu, mana ake ni ala: dinondo saba ni vanjelo vamaganisha saba na ditaa saba dyashaabu ni maganisha saba.

Maono 2:12

“Njelo waliganisha lya ku Peligamu mwandikile, ‘Ala ni malove amwe aijá ávenavo lyambila lyakukola kuvili:

Maono 2:18

“Njelo waliganisha lya ku Tiyatila mwandikile, ‘Ala ni malove atangola Mwana wa Nnungu ávenavo mevo kenga lilamba lyamoto na madodo ake kenga lyava lyavataile nshasha:

Maono 2:3

Wako unkunanopa na unkulipililila mauvilo kwamwaa walina lyangu na haudabadabenge.

Maono 2:8

“Njelo waliganisha lya ku Eshimilina mwandikile, ‘Ala ni malove amwe aijá Nantandi na Wamwisho, e apadíle kutwala kunama:

Maono 3:1

“Njelo waliganisha lya ku Shalideshi mwandikile, ‘Ala ni malove amwe aijá ávenavo dimumu saba dya Nnungu na dinondo saba: “ ‘Ndimanya vitendo vyako, wako unkuvanavo shimbili shakuva umumi, kumbe undipela.

Maono 3:14

“Njelo waliganisha lya ku Laudisheya mwandikile, ‘Avi atangola Ame, nshuda wakukulupilika na waumwiu, ntipu wa avilá vyakandyenge Nnungu:

Maono 3:7

“Njelo waliganisha lya ku Piladelipiya mwandikile, ‘Ala ni malove amwe aijá Wakwilimyanga na Waumwiu, ávenavo myungulilo vimwe Daudi. Shaungula nae, hapali wakunga na shaungile nae, hapali wakuungula: