I Vateshalonika 5:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ ápadile kwamwaa wetu kwambangidya ata tukava mevo kwali tukalala, tuname namu nae.

I Vateshalonika 5:10 ပူးပေါင်းရင်းမြစ်များ

Mateu 20:28

Nimumo momo Mwana Wamunu haidile pakulota vantumike; nae aidilé ndatumika na kujaula shingumi shake shive lyambolelo lyavanu voe.”

Nshuwau 10:11

“Nangu ni Nkúshunga Wambone. Nkúshunga Wambone, nae anájaula shingumi shake kwamwaa wavangandolo.

Nshuwau 10:15

kenga mo mwangumanyila nangu Atata, nanangu momo Atata ninkummanya. Nadoni ninkujaula shingumi shangu kwamwaa wavangandolo.

Nshuwau 10:17

Ni ashi shitádya Atata angunagwaledye mwaa nangu ninkujaula shingumi shangu pakulota ngupate kavili.

Nshuwau 15:13

Hapali ávenavo linagwaledyo likumene lyakupunda ali, lyakujaula munu shingumi shake kwamwaa wavavagwe.

Valoma 8:34

Nyani álota kuvaukumu? Klistu Yesu ni ápadile, leka apo ni ádyukile, ni áikele kunkanakono wake Nnungu namomo nae ni átujugwangila.

I Vakolintu 15:3

Mwaa nangu nimpalakadyedya kenga shinu shitandi shamana ashilá shangupatile nangu momo: doni, Klistu andipela kwamwaa wamadambi etu kwodananavo Maandiko;

II Vakolintu 5:15

Nae andipela kwamwaa wavanu uti pakulota avalá vanáma, havananame kavili kwamwaa wave vo vene kanji vaname kwamwaa umwe aijá ápadile na kudyuka kwamwaa wavanavo.

II Vakolintu 5:21

Aijá ákamanyite lidambi anintadya kuva lidambi kwamwaa wetu wetu kwambangidya tuvalangiligwe kuva ishaliya yake Nnungu nkati mwake.

Vaepeshu 5:2

na nama mulinagwaledyo kenga Klistu anditunagwaledya kutwala kulyumya jo mwene yetu wetu kuva inudyo na shadaka shinung'angíla kwa Nnungu.

I Vateshalonika 4:13

Napanelo hatunalota shinu mutikinange mmanung'unumunu kwamwaa wa avalá valéle kwambangidya hamunavenavo shipalodi kenga avalá vanji vákave lilindilililo.

I Vateshalonika 4:15

Vyatumwaulila avi tunkumwaulila kwalilove limwe Umu kenga wetu túvele mushingumi, túbakila mpaka kwida kwake Umu, mwiu hatuva tuvatandi kuvapunda avalá valéle.

I Vateshalonika 4:17

kutwala wetu túvele mushingumi túbakidile, tundatanduligwa pamo na vanavo mumaundi ndakadyania namu Umu kuniania, nadoni tundapagwa namu Umu ngwengwe.

I Vateshalonika 5:6

Napavedoni hatunalale kenga vanji kanji tuve mevo na tuvakulipanga

I Timoti 2:6

ályumidye jo mwene kuva lyambolelo kwaupande wavanu uti. Au ni ushuda uukíle ndatandeka muwakati wake.

II Timoti 2:11

Shitangodi ashi ni shakukulupilika: Ikava kenga tundipela namu nae, namu nae momo tundanama,

Titu 2:14

ályumidye jo mwene kwamwaa wetu wetu pakulota atwambole muungave-lilamulo uti na alikandyangidye jo mwene venentete vavaushanienge ushapu vaugweka vake jo mwene vavénavo dukuduku yakutandedya vitendo vyambone.

I Patulu 2:24

Nae jo mwene andilitika mumili mwake madambi etu panshalaba kwambangidya tupele kwamadambi na tuname kwaishaliya; kwaindila yavilonda vyake, mwenu mundipona.

I Patulu 3:18

Mwaa mwiu Klistu andyuvauvanga mwanda umo tu bai kwamwaa walidambi, munu waishaliya kwamwaa wavanu vaungave-ishaliya pakulota kutuukanavo kumwe Nnungu. Nae kwashimunu vanimpedya kanji vanindyuwa kwa Imumu