I Vateshalonika 4:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Kwaing'ano ai, hanapagwe wakunkwinyanga kwali wakunshonda nung'unumunu mwaa kwavinu vyovyo avi, Umu ni nkúlipilila kenga mo mwatumwaulidile kaladavo na mwatuumididye ushuda ngala.

I Vateshalonika 4:6 ပူးပေါင်းရင်းမြစ်များ

Malukushi 10:19

Wako unkumanya malamulo, ‘Haunabyae, Haunalavalave, Haunaive, Haunaumye ushuda waushwang'a, Haunatindinganiange na Mwishimu tatako na anyoko.’ ”

Lukashi 12:5

kanji ninkumwaulila nyani ávaikidile munjope; njope aijá ávenavo madalaka ánatenda akampedya munu kuntwala kunjela kushena. Mwiu jojo jo, njope!

Lukashi 16:28

Ninkuvanavo vanung'unuvangu mwanu vangulota auke akavaumidye ushuda kwambangidya vanavo havanaide momo mulyutu ali lyamauvilo.’

Valoma 1:18

Mwaa doni apa, shitundi shake Nnungu shinkulilodya kutunduvangila kuwa shiidila ungave-Nnungu na ungave-shaliya wavanu vatitikidyánga umwiu kwaindila yakuvova ishaliya.

Valoma 12:19

Mmakunagwaleka, mwiko hamunalipilile kanji kulipilila lakela shitundi shake Nnungu mwaa indyandikigwa, “Kulipilila ni kwangu nangu; nangu ndalipilila, atangola Umu.”

Valoma 13:4

Doni, nae ni ntumika wake Nnungu kwauwambone wako wako. Kanji ikava kenga wako undatenda wakunyata, jopa mwaa nae hananyukata lyambila monyo. Nae ni ntumika wake Nnungu, munu nkúlipilila áidanavo shitundi shake Nnungu kwa aijá átandedya vyakunyata.

II Vakolintu 7:11

Talola shana shipalodi shosho ashi shaalakéla kwa Nnungu shíng'a vyepo nkati mwenu: kutumbama shani, kushililidya shani, kushanga shani, kujopa shani, mweshe shani, dukuduku shani, ukumu shani! Nkati muuti mwenu mundililodya kuva mmanu múkave ushapu kwamwaa au.

Vagalata 5:21

ing'ou, kwambalwa, kululuka na vinji vilinganána na avyo. Ninkumwaulila kala davo kenga mwanimwaulidile kunantandi doni, vaténda vinu avyo, mwiko havapata maleko autawala wa Nnungu.

Vaepeshu 4:17

Nadoni ninkutangola na ninkumya ushuda nkati mumwe Umu, hamunaname kavili kenga mmamidi mukunyambikanga makumbukililo ave.

Vaepeshu 4:28

Áshiva, hanaive kavili ila akole madengo atenda shinu shambone kwamakono ake pakulota dashi, apate ashilá shakumpwashela aijá ákave pashinu.

Vaepeshu 5:6

Hamunanneke munu anduwanga kwamalove ashing'alang'ala; kwamwaa wavinu vyovyo vyo, vinkutadya shitundi shake Nnungu shivawikile avalá vákaigwilila.

I Vateshalonika 2:11

Mwaa mundimanya shana mwatupagwididye na kula munu pakati penu kenga tatamunu kwavanamunu

II Vateshalonika 1:8

mulilamba lyamoto avapa shaushanga avalá vákammanya Nnungu na vákaigwilila ntenga wambone umwe Umu wetu Yesu.

Vabalaniya 13:4

Shitamo shindivaikila shishimike na vanu uti, aki yake itandeke kwaungave-udagwa mwaa Nnungu andavaukumu avalá vakulauka na vakulavalava.

Vabalaniya 2:6

kanji leka apo, isemu inji yamaandiko vandyumya ushuda doni, “Munu ni nyani wakulota untanane? Kwali mwana wamunu ni nyani wakulota wako umwangaikangile?

Tiyagu 2:6

Kanji mwenu munkumwiludyanga mmashikini. Da havanava shinu matajili vannivatíla na kumbulusha vamuukanavo kulibengi?

Tiyagu 5:4

Lola, nshala wavamadengo vapuníle mmashamba enu, mwenu mundivakililisha, wanavo unkulamadikanga. Kutangadikanga kwavakupuna, kwanavo kundiigwinika kumatu kumwe Umu Wavaing'ondo.