I Vateshalonika 4:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ i kwakunshanona ntima kwaushapu kenga vamidi vákammanyite Nnungu.

I Vateshalonika 4:5 ပူးပေါင်းရင်းမြစ်များ

Mateu 6:32

Doni, vinu avyo uti vamidi ni vaangaikangíla. Tatagwenu wakuwa ankumanya kenga uti avyo mwenu munkulota.

Lukashi 12:30

Venentete uti vamushilambo vankwangaika valambela vinu avyo namwenu momo Tatagwenu andimanya kenga vinu avyo, munkulota.

Vitendo 17:23

mwaa pangupitile ngudingukanga nkaja amu ngulalyanga vyakulipudidya vyenu ndikodya namomo alutali yavaandike doni, ‘Kwannungu Ákamanyika.’ Napane aijá wamulipudya kwabila kummanya ni jojo wanimmalanganga.

Valoma 1:24

Napavedoni Nnungu andivakamudya muditamaa dyammitima vyave vatandedye ushapu wakutadyania dyoni mumili mwave

Valoma 1:26

Kwamwaa au, Nnungu avakamudidyé muditamaa dyave dyadyoni, ata mpaka vo vakongwe vave vo, vandibadilisha kutenda wendi muvaikidíle kwakutandela munji múkavaikidile.

Valoma 1:28

Naivedoni pakuva vanavo havagwene mana yakummanya Nnungu, jo mwene Nnungu andivakamudya mumakumbukililo ave akunyata pakulota vatandedye ashilá shíkavaikidile kutenda.

I Vakolintu 1:21

Doni, kutunduvangila mo mulimanyilo lyake Nnungu shilambo hashuukile nammanya Nnungu kwaindila yalimanyilo, inínnagwela Nnungu kwaindila yaujinga aulá watuvalanganga wetu kuvaambola avalá vakulupidíle.

I Vakolintu 15:34

Ujila kuding'anong'ano dyenu, nama kwaishaliya na leka kutega mwaa vanji havammanyite Nnungu ata padyoko vela. Ninkutangola avi kwadyoni dyenu.

Vagalata 4:8

Mwiu, pamukashimmanya Nnungu, mushitandegwa vatumwa va avalá kwamavalelo havanava shinu vannungu

Vaepeshu 2:12

inimmaikila mukumbukile doni, muwakati awo mwenu hamuvénavo Klistu, hamushivalangiligwa muuwenentete washiishilaeli, muvele múkamanyika nkati mudimbodi dyakulivikila; mmanu múkave lilindilililo na múkave Nnungu mushilambo amu.

Vakoloshu 3:5

Nadoni nkati mwenu, pedya uti avilá vyashimunumunu; kulavalava, ushapu, ditamaa, malotelo aukalau na ing'ou, ako ni kulipudya kwavyakushang'apa.

II Vateshalonika 1:8

mulilamba lyamoto avapa shaushanga avalá vákammanya Nnungu na vákaigwilila ntenga wambone umwe Umu wetu Yesu.

I Patulu 4:3

mwaa wakati upitíle unditosha wakutandedya mwenu vinu vivannagwéla vamidi. Muwakati awo mwenu mushindanama shinamidyo shakunyata kupunda apo, mumalotelo ashimunumunu, kwambalwa, vikukulu vyaupuju na vyakwambalwanga pamo na kulipudya kwakunyatilika kwavannungu.