I Vateshalonika 4:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ muvenavo liu lyakunama kwaamani, mwangangalange vyenu mmene na mukole madengo kwamikono vyenu kenga mo mwatumpundishididye

I Vateshalonika 4:11 ပူးပေါင်းရင်းမြစ်များ

Malukushi 13:34

Inkulinganana na munu ávenavo mwanda. Panauma pang'ande pake avapele madalaka vatumika vake kula munu na madengo ake anánnamulila nkúshunga-nnango ave mevo.

Vitendo 18:3

napanelo kwodamwaa shimadengo shave shivele shimo shosho shakukandyanga dyema, bai nae andíikala namu vanavo vakola pamo madengo ave.

Vitendo 20:35

Kula shinu shangutandile, ninnodya mwenu kenga kwaindila yashimadengo shikumene shatutenda indituvaikila tuvapwashele vákalyulula tukumbukila malove atangwele jo mwene Umu Yesu aashidoni, ‘Wakwalaligwa ni aijá áing'a kuliko ápwashalela.’ ”

Valoma 12:11

Mwidukuduku, hamunadidimange. Mu Imumu, jaulila. Umu, ntumike.

Valoma 15:20

Doni, shabaa yangu ni kuvalanganga ntenga wambone apalá pavakanava kwigwa lina limwe Klistu kwambangidya dashi, hangunadenge pashanya shitunduvangilo shamunu junji

I Vakolintu 4:12

tunkukola shimadengo shakupwateka kwamakono etu tuvene. Pavatutukana tunkuvaalaliya, pavatupapata tunkulipililila,

II Vakolintu 5:9

Nadoni ata ikava kenga tuvelé nng'ande kwali panda, shabaa yetu ni kulota innagwele Umu.

Vaepeshu 4:28

Áshiva, hanaive kavili ila akole madengo atenda shinu shambone kwamakono ake pakulota dashi, apate ashilá shakumpwashela aijá ákave pashinu.

I Timoti 2:2

kwavaumu na kwauti avalá vavénavo madalaka pakulota tuname shinamidyo shaamani na shakutulila nkati mukunjopa Nnungu na ishima uti.

I Timoti 5:13

Leka apo, vandálipundisha vave vawondo vawanawananga nding'ande na i gweka vawondo kanji namomo vakung'wenya, vakuliinjidyanga mumyaa vatangola vinu víkavaikidile.

Titu 3:14

Vetu wetu vo, valipundishe kwangaikangila vitendo vyambone pakulota vaangangalange vinu vikumene vitakígwa na havanave vákapa vyepo.

I Patulu 3:4

leka apo, inimmaikila mulinemye mmitima vyenu kunema kúkatimbikanga nkati mwimumu yaupole na yakutulila ivénavo mana makumene namene kwaupande wake Nnungu.

I Patulu 4:15

Hanapagwe pakati penu munu wakulota kuvauvanga kwamwaa wakuva nkúbyaa, nkwíva, nkalau kwali álijalanianga mumyaa vyavanu vanji.