I Vateshalonika 3:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Kanji napane paidile kwetu Timoti aalakela kwenu kutwala kutupa dyabali dyambone dyalikulupililo na linagwaledyo lyenu na kutuvalangangila kenga ngwengwe mwenu munkuvanavo likumbukililo lyambone kwetu wetu na munkuvanavo mweshe wakutwona wetu kenga wetu kwenu mwenu,

I Vateshalonika 3:6 ပူးပေါင်းရင်းမြစ်များ

Vitendo 16:1

Nae andyúka mushu na shimwanda shake mpaka pa Delebe na pa Lishitala; napanelo palyutu alyo ashindanama nkwóda jumo walina Timoti; anyoke avele nkúkulupila walikola lyashiyuda kanji tatake avele mugalegu.

Vitendo 18:1

Ling'oto lyavinu avi, Paulu andyúma pa Atena kuka ku Kolintu.

Vitendo 18:5

Napanelo Shilashi namu Timoti pavawikile vaalakela ku Makedoniya, Paulu ashindabanigwa kwalilove aumya ushuda kwavayuda kenga Klistu ni Yesu.

I Vakolintu 11:2

Napanelo nintumbyanga mwenu pakuva munkungukumbukila muvinu uti, namomo munkukamulila mavalelo mo mwanimpalakadyadidye.

I Vakolintu 13:13

Napanelo linkupagwa likulupililo, lilindilililo na linagwaledyo, vinu vitatu kanji avi uti shikumene ni linagwaledyo.

Vagalata 5:6

Mwaa nkati mumwe Klistu Yesu, kukumuligwa likumbi kwali mene, hakuve mana ila livé na mana ni likulupililo lililódya mulinagwaledyo.

Vapilipo 1:8

Nnungu ni nshuda wangu wa amulá mwaninnatela mwenu uti kwalilotelo lyake Klistu Yesu.

Vakoloshu 1:4

kutunduvangila patwigwite yalikulupililo lyenu nkati mumwe Klistu Yesu na linagwaledyo lyamuvenavo kwavakwilimyanga uti

Vakoloshu 4:18

Nangu Paulu ninkumwandikila nandele aju na nkono wangu nimwene. Kumbukila mang'unyang'unya angu. Umonyo upagwe kwenu mwenu.

I Vateshalonika 1:3

tukumbukila pamevo pamwe Nnungu, jo Tatagwetu, madengo enu alikulupililo, kulikanyalidya kwenu kwalinagwaledyo na kunanopa kwenu kwalilindilililo kumwe Umu Yesu Klistu

I Vateshalonika 2:17

Napanelo patwapukanenge namu mwenu mmanung'unumunu ata ikava ivele yawakati ungwipi na kwapukananga kwene ko kuvele kwamili i kwamuntima, tundyúmbaligwa na mweshe wakwona ding'ope dyenu kavili.

I Vateshalonika 2:9

Takumbukila shana mmanung'unumunu shimadengo shetu shakupwateka na kulikanyalidya kwetu shilo na mui pakulota hatunave ligogo kwamunu woewoe patushimmalangangila ntenga wambone wa Nnungu.

I Vateshalonika 3:7

napavedoni mutabu yetu na mumauvilo etu uti mmanung'unumunu tundiligwa shana kwalikulupililo lyenu.

II Vateshalonika 1:3

Indituvaikila tunnambwalele Nnungu ngwengwe mmanung'unumunu kwamwaa wenu pakuva ni shaliya mwaa likulupililo lyenu linkukulumuka namene na linagwaledyo lyakula munu pakati penu kwavanji, linkwanjadyeka

I Timoti 1:5

Malotelo napane amalailililo etu ni linagwaledyo lyúma muntima úkave ushapu, makumbukililo ambone amuntima na likulupililo líkave shinankulaba.

II Timoti 1:3

Ninkunnambwalela Nnungu wanintumika kenga mwavantumikidile vanyakala vangu kwamakumbukililo ákave ushapu amuntima pandikukumbukila ngwengwe wako mukushwali kwangu shilo na mui.

Pilemoni 1:5

mwaa ninkwigwa itangaleka yalinagwaledyo lyenu kwavakwilimyanga uti pamo na likulupililo lyamuvenavo kumwe Umu Yesu.

Vabalaniya 13:3

Vakumbukile avalá vaungwídye kenga muungwidye pamo namu vanavo; namomo avalá vauvauvánga kwabila shaliya vakumbukile kenga mwenu momo mmamili.

Vabalaniya 13:7

Vakumbukile vananangalaledi venu vammalangangidíle lilove lya Nnungu, mulaledya namene shana vyepo vyashinamidyo shave mutwale mujedye likulupililo lyave.

I Nshuwau 3:23

Napanelo lilamulo lyake ni ali: tukulupile lina lya Yesu Klistu Mwana wa Nnungu na tunagwaladyanie kenga mwatulamulilila nae.